Lalaki patay matapos gin tiro sa Dumangas
![ILOILO CITY — Patay ang isa ka lalaki matapos gin luthang sang wala makilalahan nga suspek sang tinalikdan nga gab-i sa Barangay Paloc Bigque, Dumangas.](https://radyobistado.com/wp-content/uploads/2023/02/patay-sa-dumanggas.jpg)
ILOILO CITY — Patay ang isa ka lalaki matapos gin luthang sang wala makilalahan nga suspek sang tinalikdan nga gab-i sa Barangay Paloc Bigque, Dumangas.
Sa interview sang Radyo Bistado kay Police Major Kenn Albert Lepsia ang hepe sang Dumangas Municipal Police Station iya gin pahayag nga alas-9:00 sang gab-i sang tinalikdan nga adlaw sang Biyernes, Pebrero 10 sang naga tambay sa guha sang ila balay ang biktima nga si Juanilio Togonon, 47 anyos sang hinali lang ini gin tiro sang duha ka beses kag na igo ini sa likod sang iya lawas kag ulo.
![Photo from Dumanggas Municipal Police Station.](https://radyobistado.com/wp-content/uploads/2023/02/dumanggas-incident-1024x461.jpg)
Suno pa kay Lepsia, madasig naman nga naka palagyo ang supek sa wala mahibalo-an nga direksyon kag na recover sa crime scene ang duha ka slug wala tumod nga kalibre sang armas luthang.
Gina tan-aw man ni Lepsia nga may atraso sa tunga sang suspek kag biktima apang indi pa mapa guha kon ano gid ang bangdaan kon nga gin luthang patay si Togonon.
Disidido naman mag pasaka sang kaso ang pamilya sang biktima batok sa suspek kag padayon pa ang imbestigasyon sang Dumangas MPS.