1.7 milyon pesos nga balor sang gina patihan shabu na kumpiska sang CPDEU sa Roxas City
![](https://radyobistado.com/wp-content/uploads/2023/02/dakop-sa-buybust.jpg)
ROXAS CITY — Mag live-in partner dakop sa gin kasa nga drug buy-bust operation, alas-8:45 sang aga sa Barangay Banica, Roxas City, Capiz.
Sa interview sang Radyo Bistado kay Police Colonel Jerome D. Afuyog ang Officer-In-Charge sang Capiz Police Provincial Office (CPPO) iya gin pahayag nga nabaklan sang isa ka plastik nga may unod sang ginapatihan shabu gamit ang buy-bust money nga 20,000 pesos si Dennis Benitez, 48 anyos sang Lua-an, Roxas City kag ang live-in partner sini nga si Jurelyn Besa, 22 anyos kag residente sang Culahao sa amo man nga banwa. Na recover naman sa paghinakop sang arestado ang 3 ka dalagk, 3 ka medium kag 12 ka gamay nga plastik nga may unod sang ginasuspetsahan shabu nga naga bug-at sang 250 grams kag may market value nga 1.7 milyon pesos bangud sa kadamoun nga na kumpiska nga druga gikan kay Benitez kag Besa gina kabig nila ini nga High Value Individual.
![Photo courtesy of Capiz Police Provincial Office.](https://radyobistado.com/wp-content/uploads/2023/02/shabu-evidences-from-buybust-1024x768.jpg)
Gin siling man ni Afuyog nga madugay na nila gina monitor ang mga arestado kag mabudlay ang mga ini dakpon bangud naga saylo-saylo sila sang lugar. Si Benitez ang anay naman na preso sa kaso man sa pag hupot sang iligal nga druga kag naka guha ini sadtong Disyembre 19, 2021.
Basi sa interogasyon nga gin hiwat sang operatiba sa mga arestado ila nahibalo-an nga ang mga druga nga naga sulod sa ciudad kag probinsya sang Roxas ang gina paagi sa mga baybayon kag may naga pick-up lang.
Gin siling man ni Afuyog nga maga ugyon ang ila kapulisan sa Maritime Pulis kag sa Philippine Coast Guard agud mag bantay sa area sang baybayon agud ma tapna ang pag sulod sang iligal nga druga ila lugar.
Sa karon, yara naman sa pag hinakop sang Roxas City PNP sanday Benitez kag Besa agud mag pangatubang sa pag lapas sang layi nga Republic Act 9165 ukon Comprehensive Dangerous Drugs Act of 2002.