Lalaki nga naga motorsiklo nabunggo-an sang travelling rice mill sa Pototan
ILOILO CITY — Patay ang isa ka lalaki nga ga sakay sa motorsiklo sang nabungo-an sang isa ka salakyan alas-11:30 sang aga sa Barangay Palanguia, Pototan, Lunes, Pebrero 6, 2023.
Sang ma interview sang Radyo Bistado si Police Staff Sergeant Amando Caporal ang Traffic Investigator sang Pototan Municipal Police Station iya gin pahayag nga ang travelling rice mill nga gina maneho ni John de Juan, 37 anyos kag kaupod man sini sa rice mill ang iya nga tiyo nga si Charlie Lariga, 58 anyos nga lunsay residente sang nasambit nga barangay nga ila na bunggoan si Mario Trabado, 37 anyos nga residente sang Batuan, Pototan samtang naga sakay sa iya nga motorsiklo.
Basi sa imbestigasyon ni Caporal iya gin siling antis paman sang insidente yara sa mag taliwas nga direksyon ang rice mill kag motorsiklo, alegasyon ni Juan nga naga hingagaw ini nga mag overtake sa gina sundan sini nga salakyan apang nakibot nalang si Juan nga may nag lusot na nga motorsiklo.
Bangud sini nag head on collision ang duha ka behikulo, nahulog naman sa salakyan si Lariga kag naka angkon sang patal nga kapilasan sa lawas samtang si Trabado ang naka angkon man sang nagkalainlain nga patal nga pilas sa iya lawas.
Dugang pa sini, gin tinghuan naman madala sa Iloilo Provincial Hospital si Trabado apang gin deklara siya nga dead on arrival, samtang naga pabilin naman nga confine sa nasambit hospital si Lariga.
Gin pahayag man ni Caporal nga nakasugilanon naman ang mag timbang nga kampo nga i-areglo nalang ang na tabo nga aksidente.
