Taxi na hulog sa kilid sang dalan sa Dumangas
![ILOILO CITY — Taxi nag awas sa kilid sang kalsada kag na hulog kalog, alas-12:30 sang kaagahon sa Barangay P.D Fort South, Dumangas, Martes, Pebrero 7, 2023.](https://i0.wp.com/radyobistado.com/wp-content/uploads/2023/02/nag-awas-sa-dalan.jpg?resize=1140%2C620&ssl=1)
ILOILO CITY — Taxi nag awas sa kilid sang kalsada kag na hulog kalog, alas-12:30 sang kaagahon sa Barangay P.D Fort South, Dumangas, Martes, Pebrero 7, 2023.
Sa interview sang Radyo Bistado kay Police Chief Master Sergeant Kim John Banzon ang Chief Investigator sang Dumangas Municipal Police Station iya gin pahayag nga ang driver sang taxi amo si Darwin Amante, 41 kag ini ang pa puli na kon tani sa iya puluy-an sa Zone 1, Barangay Lagubang, Barotac Nuevo sang natabo ang aksidente.
![Photo courtesy of Police Chief Master Sergeant Kim John Banzon.](https://i0.wp.com/radyobistado.com/wp-content/uploads/2023/02/driver-sang-nag-awas-nga-taxi.jpg?resize=660%2C495&ssl=1)
Gin siling man ni Banzon nga sang naga pa puli na si Amante ini ang naga taras sa dalan nga pakurbada kag bangud man sa ka tuyo lakip na ang kapoy nga gina batyag ni Amante siya ang na tulogan rason nga na hulog ini sa kilid sang kalsada. Sa nag luntad nga insidente, naka angkon naman si Amante sang minor injuries sa iya nga lawas kag wala naman sang iban pa nga motorista ang na hulamid sa aksidente.
Gin hingagaw naman dala sa malapit nga hospital si Amante kag na dapatan ini sang naga kaigo nga pag bulong.
Sa karon, hilway naman si Amante sa katalagman kag nakw guha na ini sa hospital.