“Ang aton kapulisan sa Oton closely monitor when it comes sa illegal drug trade, sa demand kag sa supply reduction gina monitor gid naton na.” Police Major Ferdinand Limbungan
![](https://radyobistado.com/wp-content/uploads/2023/02/limbungan.jpg)
ILOILO CITY – Sa liwat nga pag balik sang iligal druga ang kapulisan sang Oton hugot nga gina monitor ang banwa sang Oton sa bulig sang iban drug enforcement unit.
Sa interview sang Radyo Bistado kay Police Major Ferdinand Limbungan ang hepe sang Oton Municipal Police Station iya gin pahayag nga matapos madakpan si Rongie Melocoton,(alyas peewee), 34 anyos nga subject sa buy-bust operation gilayon siya nga nakigsapol sa opisyales sang barangay sa Poblacion South sa diin diri gin hiwat ang operasyon kag gin patawag ni Limbungan ang basi sa report nga mga persona nga naga palibot kay Melocoton kag gina tinghuan man sang kapitan sang barangay nga maka recover ang mga persona nga naga gamit sang iligal nga druga.
Gin pahayag man ni Limbungan, “ang aton kapulisan sa Oton closely monitor when it comes sa illegal drug trade, sa demand kag sa supply reduction gina monitor gid naton na.” kag naga bulig naman sa ila ang Provincial Drug Enforcement Unit bangud ang kapulisan sang Oton medyo gamay lang kon komparar sa computation ratio.
Suno pa kay Limbungan sa na baton sini nga mga report nga ang naga balik gamit kag pag hupot sang iligal nga druga ang anay naman nga na preso sa amo man nga kaso kag sila ang naga avail sang ple-bargaining agreement kag liwat naman mag balik sa malain nga aktibidad.
Sa amat-amat nga pag balik sang iligal nga druga nakigsapol naman ini sa mga kapitan sang mga barangay kag gina challenge man ni Limbungan ang mga opisyal nga bantayan gid ang hulag sang ila mga pumuluyo pag abot sa iligal nga druga kag gilayon i-report sa kapulisan sang Oton.
Dugang pa ni Limbungan, sang ligad end of quarter may yara sang 12 ka mga apektado nga barangay natigayon nga ma buhinan sang 3 ka mga barangays kag nangin 9 nalang ang apektado, sa first quarter sa bulan sang Pebreroout of 37 remaining barangays may yara sang remaining nga 9 apektado pa kag 7 ka mga barangay naman ang target ni Limbungan nga mangin drug cleared.