Ceres Bus na tumba sa Hamtic, Antique

ANTIQUE — Naga byahe nga ceres bus na tumba sa dalanon sang Barangay Calacja 1, Hamtic hapon sang tinalikdan nga adlaw sang Biyernes.

Sa interview sang Radyo Bistado kay Police Major John Paul Aguay ang hepe sang Hamtic Municipal Police Station iya gin pahayag nga nag gikan sa ciudad sang Iloilo ang ceres nga gina maneho ni Loven Magbanua, 43 anyos nga residente sang Concepcion, Iloilo nga padulong na tani pa katiklan.

Gin pahayag man ni Aguay nga naga zigzag ang dalanon kag naga padulhug ang dalan, sang naga padulong na ang ceres sa gin luntaran sang aksidente hinali lang na dulaan sang kontrol sa pag maneho si Magbanua iya ini gin kabig ang manubela pawala nga direksyon rason sang aksidente.

Basi imbestigasyon ni Aguay, may alegasyon si Magbanua nga na flat ang reyda sang ceres sa likod nga porsyon kag may yara man sa mga pasahero nga nag siling nga natulogan si Magbanua samtang naga maneho.

Gin siling ni Aguay nga yara sa 33 kabilog ang sakay sang ceres lakip na ang kondoktor kag ang driver sang sila ang na aksidente, bangud sini napulo ka mga pasahero ang naka angkon sang menor nga kapilasan, kag tatlo diri ang gin confine sa hospital kag karon hilway na sa katalagman.

Suno pa kay Aguay, reckless imprudence resulting to physical injuries and damage to property ang paga tubang kontani ni Magbanua apang wala naman sang luyag pa sa mga pasahero nga mag pasaka pa sang kaso kag ang luyag nila ang mag areglohanay nalang.

Tampad naman nga paga sabton sang Vallacar Transit Company ang mga galastuhon pang medikal sang mga paseharo nga na pilasan sa aksidente.