Engkwentro sa tunga sang NPA kag kapulisan nag luntad sa Tubungan
ILOILO CITY — Isa ka encounter ang nagluntad sa tunga sang katapo sang kapulisan kag NPA sa Barangay Mayang, Municipality of Tubungan, Iloilo sang tinalikdan nga adlaw, takna 10:30 sang gab-i.
Sa interview sang Radyo Bistado kay Police Captain Rodel Ojano ang hepe sang Tubungan Municipal Police Station, antis paman natabo ang engkwentro naga gwardya sa lugar si Police Corporal Guzman sa detachment sang 2nd Platoon sang 1st Iloilo Provincial Mobile Force Company(IPMFC) na batian sini ang tinaghol sang ido nga naga palapit sa ila kampo, dala sang pag ka tingala iya ini pasigahan sang flash light kag nakita sini ang isa ka persona nga naka full battle gear nga may dala sang ma laba nga sahi sang armas luthang nga nag sulod sa iya huna-huna nga isa na ka kontra kag gilayon na sini nga gin unahan sang tiro nga bilang depensa, gilayon naman nag balos sang tiro ang NPA nga na hamtang sa 50 metros ang kalayoun sa diin sila ang naga plastar malapit sa eskwelahan nga may kaingud nga panimalay apang wala sang tawo.
Suno pa kay Ojano, sang nabitaan sang mga kaupdanan ni Guzman ang pag lupok sang pusil gilayon ang mga ini ang nag plastar sa ila mga lugar kag diri na sila nag baylohanay sang tiro sa sulod sang singko(5) minutos. Pasalamat naman si Ojano nga wala sang may nag taliwan ukon na pilasan sa kampo sang tropa.
Dugang pa ni Ojano, sa gin hiwat nga clearing operation sa lugar na recover diri ang 21 ka bilog nga mga empty shell sang 5.56mm nga gamit sa M16 rifle lakip na ang 7.56mm nga bala sang Garand firearm.
Naga padayon naman sa pag hiwat sang intelligence monitoring sa lugar matapos ang engkwentro sa tuga sang NPA kag kapulisan.
