Balay nasunog bangud sa nag overheat nga charger
ILOILO CITY – Bangud sang napabayaan nga cellphone samtang nagacharge nangin abo ang puluy-an ni Liberato Lilya, sang Sitio Drop, Barangay Acuit, Barotac Nuevo, Iloilo.
Sa interview sang Radyo Bistado kay FO1 Marvin Hernalim, ang Fire investigator sang Barotac Nuevo MFS, alas 10:34 sang aga sang nag-umpisa ang sunog kag mga alas 11: 08 naman sang ma fire out ang kalayo. Naghalin ang kalayo sa na over-heat nga charger samtang gina-charge ang cellphone sa sulod sang balay sini kag tungod kay human sa light material ang balay madasig ini nga gintupok sang kalayo.
Samtang wala naman sang may nahalitan kag ginabulubanta naman sa 40,000 pesos ang halit sang nasambit nga sunog.
