Duha ka dalaga na lumos samtang naga paligo sa suba sa Janiuay
ILOILO CITY — Sa ma bugnaw kag sinaw sang tubig duha ka kabuhi sang dalaga ang gin kuha samtang naga paligo sa suba sang Barangay Caraudan, Janiuay, Iloilo, alas-3:00 sang hapon, Sabado, Enero 7, 2022.
Sang ma interview sang Radyo Bistado si Police Captain Alwin Salmon ang Officer-In-Charge sang Janiuay Municipal Police Station iya gin siling nga, “na ligo ni sa suba ang duha ka babayi, both ni sila sixteenth-years-old, taga Barangay Danao ni sila, ah, nakita man sang mga residente didto nga na ligo ni ang duha hasta nga hapon na, na lumos na sila parti man sa Barangay Caraudan.”
Suno pa kay Salmon, “possibly na lumos ni sila it’s either 3 PM kay mga 4:30 PM kay amo ni pag dala sa ila sa kwan mo mga 4 or less pasado nga gin dala sila sa hospital. Posibli indi man kabalo siguro kay indi gid man tama ka dalom ang tubig, may yara man nga part nga ma baskog ang current, waay lang ta ka ano kon permi da sila ga pa ligo kay ka nami bal-an sang ila suba nada ma bugnaw kag ma sinaw, te may part lang galing nga dalom siguro kag ma baskog ang current niya.”
Gin siling man ni Salmon nga wala naman gin anod ang duha ka dalaga palayo sa lugar kondi sila ang yara lang sa ma dalom nga porsyon sang suba na lunod bangud ang sitwasyon sang suba ang pila ka porsyon sini may yara sang ma nabaw kag madalom.
Gilayon man nag responde ang Janiuay Municipal Disaster Risk Reduction and Management Office (MDRRMO) sa lugar kag gin hingagaw pa dala sa hospital.
Dugang pa ni Salmon, sa mga nag labay nga tinion, subong palang nga tuig 2023 nga may na lunod sa amo nga lugar kag gin ka subo naman sang mga himata ka duha ka dalaga ang wala gina lauman nga ma hitabo sa ila miyembro sang pamilya.
