2 pilason sa nag luntad nga pag pangluthang sa City Proper
ILOILO CITY — Pilas sa tyan kag tiil ang na angkon sang duha ka persona matapos gin pangluthang samtang naga tambay, alas-10:45 sang gab-i sa Zamora St, Barangay Monica, Domingo, Enero 8, 2023.
Suno sa panaysayon ni Deputy Commander sang Iloilo City Police Station 1 nga si Police Lieutenant Mavin Laraño, “bali ang aton biktima amo si Benjamin Espinosa kag ang iya pakaisa amo si certain First Espinosa so far ang aton imbestigador ara na sa hospital. Naga pungko ang duha ka biktima sa pulungku-an suddenly, allegedly may nag tiro sa ila.”
Dugang pa ni Laraño,“ accordingly isa lang ini sa ila ang naga inom, duha sila ang ga pungko, duha sila may pilas kag amo mana ang aton hibalo-on didto sa hospital kon diin gid man, accordingly diri sa bystander, isa ka lupok duha sila na igo, tupaday sila pulungku-an, sa recovery sang cartridges SOCO nalang ang makasabat kon ano ang armas ang gin gamit, so, ma hulat kita sang findings nila.”
Suno pa sa inisyal nga impormasyon ni Laraño, “Amu pana aton gina verify para mag ano pa ang aton investigation, ang suspek naton accordingly naga tindog man sa kwan, i-validate gid naton through CCTV, ang exit point nila pakadto sa Plaza Libertad, i-verify pa naton kon may get away vehicle ang suspek, so far stable man sila, ang igo nila isa sa tyan kag isa sa tiil.”
Sa karon, padayon pa sa pag padalom sang imbestigasyon ang kapulisan sang Station 1 sa kon ano ang kabangdanan sa pag luthang sang mag pakaisa.
