Kaso nga murder ginpasaka na batuk sa duha ka mag-utod nga suspek sa nagluntad nga shooting and hacking incident sa Banwa sang Anini-y, Antique

ILOILO CITY – Pagtimalos ang ginalantaw nga rason sang mga kapulisan sa natabo nga shooting and hacking incident sa Brgy. Butuan, Anini-y, Antique, alas 12:50 ang takna sang kaagahon, Desyembre 14, 2022, Kun sa diin nagresulta sang pagkamatay sang duha ka mga persona.

Ang biktima nga napatay ang ginkilala kay Dennis Veloso Y Andres, 37 anyos, soltero samtang patay man ang amay sang mga suspek nga si Rexes Gicaraya Y Medrano, 62 anyos, kasado, isa ka mangingisda kag lunsay residente sang nasambit nga lugar.

Samtang ang mag-utod naman nga mga suspek ang ginkilala kay Rex Bryan Gicaraya, 32 anyos, soltero kag Rex Ryan, 30 anyos lunsay residente sang nasambit nga Barangay.

Sa interview sang Radyo Bistado kay PLt. Bryan C. Alejo ang Officer-in-Charge sang Anini-y Municipal Police Station, ginpahayag sini nga may ginahiwat nga binayle sa lugar angut sa ginaselebrar nga UCTABA Festival kag Barangay Day sa sulod sang ila covered gym.

Naggwa ang biktima nga si Veloso agud magbakal sang sigarilyo sa tyangge sang makita ini sang mga suspek nga nagatindog sa gwa sang gym, ginpalapitan sang mga suspek ang biktima kag sa wala mahibalu-an nga rason gintiro ini sang suspek nga si Rex Bryan sang makapila ka beses gamit ang 45 kalibre nga armas luthang apang nakatigayon nga makabalos ini luthang kag naigo ang amay sini nga Rexes.

Dugang pa ni PLt. Alejo, sang makita sang kamanghuran nga suspek nga nagahamyangon na ang biktima ginpalapitan niya ini kag hatok-hatok labo ang biktima gamit ang dala sini nga bolo nga binangon apang nakatigon naman nga makabalos luthang ang biktima kag naigo ini magkatuhay nga bahin sang iya lawas tuga sang pagkatiro.

Suno pa sa iya nga wala kun tani sang kahilabtanan ang biktima apang nakita ini sang matabo ang kremin kun sa diin ginpatay man ang isa sa mga utod sang mga suspek nga Gicaraya sang nakaligad nga mga tinuig nga amo man posible ang rason sang pagdinumtanay.

Lunsay ginpangdala ang mga biktima sa ospital apang gin diklarar nga dead-on-arrival sang attending physician si Dennis Veloso kag Rexes Gicaraya nga sa karun yara na sa punerarya sa amo man nga banwa kag natalana nga ipaidalum sa autopsy sa sabado.

Samtang ang mag-utod naman nga mga suspek ang ginpasakaan na sang kaso nga murder nga karun nakahunong na sa Anini-y Municipal Police Station.