Lalaki nga gin lampusan sang botelya nag balos labu isa pilason sa City Proper

ILOILO CITY — Bukol sa ulo ang na angkon sang suspek kag isa ka dangaw nga takos sang pilas ang na angkon sang biktima matapos ini nga gin labu, alas-10:00 sang gab-i sa Barangay Sto. Rosario, Duran, Martes, Enero 11, 2023.

Suno sa pag pamangkot sang Radyo Bistado sa suspetsado nga si Celo Dumago, 42 anyos, residente sang Barangay Zamora, iya gin siling nga, “pag tapos sang ubra nag sunloganay kami, tapos gin hambalan ya ako nga sip-sip, paano siling nga mag sip-sip kay siling ko stay in ako di stay in ka man da, wala man ko ga pa hilabot sa imo da, gin gulpi ya lang ko lampusan sang botelya(serbesa) sa ulo.”

Dugang pa ni Dumago,“ na himpito ako, dugay naman kami ga updanay sa trabaho, naga shat-shat kami kay may ga praktis dinagyang sa eskwelahan, ka isa ya lang ko gin lampusan tapos pag lampus ya ika-duha nakalikaw ako, naga init siya ya sa akon kon gina sugid siya sa iya gina himo, pag lampus ya sa akon ulo amo na to nga nag dalagan na ako te kay gina lagas ako nila sang bro niya, duha sila nag lagas sa akon, nag kadto ko sa barracks namon kag nag kuha binangon te, amo nato ang gin labo ko sa iya eh!”

Suno naman sa panaysayon ni Arlie Amorte, “pag guha ko ka gina nag lagsanay na ang mga bata, nakibot ko nga may nag hambal nga may gin labo tapos nakito si Bryan Haute, 35 anyos sang Barangay Ticud, La Paz nga ga sandig na sa may pader gina tabunan niya na pilas ya kag damo na sa dugo, gin labo siya sa wala nga sentido, pag kita ko ya kaina pag guha ko naga dalagan na ang mga estudyante nag dalagan man pakadto sa ila nakita ko ya si Burjok(suspek) may dala na nga binangon duha ka bilog gin labu ya na si Bryan, pag kita ko nga may binangon sa gin back lift ki sa kag gin posasan para ma kuha ko ang binangon nga duha ka bilog.”

Depensa naman ni Amorte sa panaysayon ni Dumago nga iya ini gin lagas, “ah wala, siya ya una guha, siya gid y una guha tapos hambal ya hulata ko da kay ma balik ko da hambalan ya si Bryan, siling ko bro bay-e da bro indi nada pag sapaka te, amo to nag guha si Bryan, pag sugat-anay nila gin labu ya na si Bryan.”

Dugang pa ni Amorte, wala ini makahibalo sang gin tunaan sang pag ginamo ni Dumago kag ni Haute. Naga panindugan naman ini nga wala siya nag intra sa pag sapote kay Demagu kag ang iya nga tuyo ang mag pahupa lang sang tensyon sa mag timbang nga kampo.

Nag guha naman sa imbestigasyon ni Police Staff Sergeant Rizan M. Magoleño nga wala sang kahilabtanan si Amorte sa nag luntad nga insidente iya lang gin dis-armahan si Dumago nga naga uyat sang duha ka binangon kag ini ang gin turn-over sa kapulisan. Bangud sa indi mag inchindihanay kag kahulugbon ang gina tan-aw nga rason sang ila nga kinagamo.

Gilayon naman nga gin dapatan sang una nga pag bulong si Hautea kag gin dala naman ini sa malapit nga hospital para sa dugang nga naga kaigo nga pag bulong.

Sa karon, nakahunong naman si Dumago sa karsel sang Iloilo City Police Station 1 kag ini ang maga pangatubang sang kaso nga frustrated homicide.