Pag relieve kag pag reassign sang mga station commanders sa ciudad sang Iloilo epektibo subong nga adlaw
ILOILO CITY — Gin estoryahan ang pag reassigned/relieved sa mga station commanders, pag ilis sang mga sang mga personnel sang CDEU, kag pag baylohanay sang duwa ka OIC heads sang CPSMU kag CIDMU sa una nga press conference sang bag-o nga OIC City Director Police Colonel Joeresty Coronica.
Gin pahayag ni Coronica nga ang mga gin pang relieve kag gin reassigned bangud lapit na sa duha(2) ka tuig ang ila pag serbisyo kag pagatal-usan sang mga bag-o agud ma pamatud-an ang ila nga trabaho.
Ang bag-o nga mamuno sa tagsa ka mga estayon ang gin designar anay ni Coronica bilang Officer-In-Charge bangud yara pa ang mga ini sa proceso sang evaluation nga kon sila ang mag perform sang maayo maga pabilin sila sa posisyon kon indi, sila naman ang pagatal-usan kag yara lang sa tatlo ka bulan ang gin hatag sa ila sang director agud ma pakita ang ila abilidad.
Ang mga station commanders nga gin relieved kag reassigned ang maga sunod:
- Station 1 ang nag bulos kay Major Shella Mae Sangrines amo si Captain Mavin Laraño, si Sangrines ang gin assigned sa ICPO HQs bilang Public Information Officer (PIO).
- Station 2 (La Paz) ang nag bulos kay Major Jose Val Ladublan amo si Captain Johnna Aguil, si Ladublan ang na assigned sa ICPO HQs bilang Deputy sang City Intelligence Unit(CIU).
- Station 3 (Jaro) ang nag bulos kay Major Eduardo Siacon amo si Captain Lester Oliveros, si Siacon ang na assigned sa Iloilo City Mobile Force Company (ICMFC) kag siya ang deputy diri.
- Station 4 (Molo) ang nag bulos kay Major Marlyn Roquero amo si Captain Benjie Dicen, si Roquero ang na assigned sa ICPO HQs bilang Officer-In-Charge sang Womens and Children Protection Desk(WCPD).
- Station 5 (Mandurriao) ang nag bulos kay Captain Dicen amo si Lieutenant Colonel Albert Sy nga Chief man sang CIU.
- Station 6 (Arevalo) ang bulos kay Major Chen Tañagras amo si Captain Resty Labasteda, Tañagras ang na assigned sa ICPO HQs bilang Deputy sang City Investigation and Detective Management Unit(CIDMU).
- Reassigned sa CIDMU bilang Officer-In-Charge si Lieutenant Colonel Juvy Navales.
- Reassigned sa Center for Police Strategy Management Unit (CPSMU) si Major Glenn Jaromay bilang Officer-In-Charge.
Gin siling man ni Coronica nga ang pag relieved sa mga station commanders ang wala na angut sa iligal nga druga sa ciudad ilabi na sa Mandurriao PNP nga gin relieved lang ang mga personnel diri bangud wala na satisfy ang Regional Director sa ila nga performance.
Suno pa kay Coronica, epektibo na subong nga adlaw ang pag relieved kag reassigned sang mga personnel sang Station 1, 2, 4, 5, 6.
Samtang sa masunod naman nga adlaw ang Jaro PNP bangud naga hiwat pa sang kapistahan kag ang paghalin naman sang mga personnel sa Mandurriao naka schedule sa duha ka grupo agud indi ma kompromiso ang ila serbisyo.
Sa karon, bag-o nga naga pamuno kag estratihiya ang luyag nga ipakita ni Coronica lakip na ang pag pabakod sa pag bantay sang kapulisan sa mga dalanon sang ciudad agud ma tapna ang malain nga hilukuton.
