Top 1 most wanted person sang Tubungan nga dose-anyos na gapanago sa Northern Samar sa kaso nga rape, arestado!
![Tubungan, Iloilo — Masobra man isa ka dekada ang pagpanago sang persona matapos buhaton ang makalilibog nga krimen sa isa ka babayi sa banwa sa probinsya man sang Iloilo.](https://radyobistado.com/wp-content/uploads/2022/12/mugshot.jpg)
Tubungan, Iloilo — Masobra man isa ka dekada ang pagpanago sang persona matapos buhaton ang makalilibog nga krimen sa isa ka babayi sa banwa sa probinsya man sang Iloilo.
Ini karon ang madinalag-on nga pag-aresto sang Tubungan Municipal Police Station sa pagpanguna ni Acting Chief of Police Police Lieutenant Rodel Ojano kag sa bulig sang Regional Intelligence Unit 6. Ang suspek ang nadakpan sa Bobon, Northern Samar, las-10:15 sang aga, Domingo, Disyembre 11, 2022.
Pahayag ni ACP Police Lieutenant Rodel Ojano sang nakipag-angut ang Radyo Bistado, ang arestado ang tumandok sang Barangay Cadabdab, Tubungan, ini sya ang nagpanago sa sulod sang dose-anyos sa nasambitan nga lugar. Ang warrant of arrest sini ang pirmado kag gin-issued ni Honorable Nelson J Bartolome, Assisting Judge of Branch 67, Guimbal, Iloilo nga may petsa sang Mayo 14, 2022 sa kaso nga Rape by Carnal Knowledge, kag wala sang nagakaigo nga pyansa para sa iya temporaryo nga kahilwayan.
Dugang pa ni Ojano, ang suspek ang Top 1 Most Wanted sa municipal level. Ginhimo sini ang krimen sadtong tuig 2010 kag gilayon ini nalagyo antes maguha ang warrant of arrest sini sang tuig 2012.
Sa karon, yara naman sa paghinakop sang Tubungan Municipal Police Station ang suspek kag natalana ini nga turn-over sa natungdan nga korte.