44 ka mga operatiba sang ICPO gin pa idalum sa surprised drug test sa Camp Delgado
![ILOILO CITY — Gin pa idalum sa surprised drug test ang mga personnel sang ICPO kaina sang aga sa Grand Stand sang Police Regional Office 6 (PRO), Huwebes, Pebrero 9, 2023.](https://radyobistado.com/wp-content/uploads/2023/02/random-drug-test.jpg)
ILOILO CITY — Gin pa idalum sa surprised drug test ang mga personnel sang ICPO kaina sang aga sa Grand Stand sang Police Regional Office 6 (PRO), Huwebes, Pebrero 9, 2023.
Basi sa press release sang Iloilo City Police Office sa ila Official(ICPO) facebook page gin siling diri nga sa pagpanguna ni Police Lieutenant Colonel Antonio Benitez Jr, sang Regional Crime Laboratory 6, 44 kabilog ang mga nag pa idalum sa drug test lakip na diri ang intelligence personnel kag drug operatives sang Iloilo City Police Office (ICPO) agud nga ang mga personalidad nga na assigned sa intelligence kag Drug Enforcement Units ang hilway sa druga kag ma maintain ang respeto sang publiko sa mga kapulisan.
![Photo from Iloilo City Police Office.](https://radyobistado.com/wp-content/uploads/2023/02/random-drug-testing.jpg)
Isa man ini sa mandu sang newly installed ICPO Officer-In-Charge Police Colonel Joeresty Coronica kag ang Philippine National Police sa kampanya batok sa pag gamit sang iligal nga druga kag ang pag guha sulod lakip na ang internal cleansing program.
Liwat nga gina hambal sang ICPO sa publiko nga ang pag kampanya nila sa iligal nga druga indi lang limitado sa palibot kon nalakip man sa tanan nga naga patuman sang layi.