Bangkay sang bata nga 10 katuig nga nalumos sa suba sang Jaro nakita na sa Lapaz
ILOILO CITY – Nasapwan na gid lamang sang isa ka mangingisda ang bangkay sang napulo ka tuig nga bata nga si John Eric, matapos nga nalumos ini sang tinalikdan nga adlaw sa suba sang Cubay, Jaro.
Nahibalu-an nga naligo ang biktima sa suba kaupod ang iya mga abyan sang tinalikdan nga adlaw sang lunes apang disgrasya ini nga natiklodan sang isa sa mga kaupod sini nga naligo.
Gilayon nga nagpatigayon sang Search and Retrieval Operation ang mga katapu sang Philippine Cost Guard kag iban pa nga mga Volunteers agud makita ang bangkay sini pinaagi sa pagsubay sa entry kag exit point sang suba pero wala gid ini makita apang sini nga aga nasapwan ini sang isa ka mangingisda sa Brgy. Hinaktakan, Lapaz nga nagalutaw padulong sa baybay.
Suno sa mga himata sini subong nga adlaw kuntani magaselebrar na ini sang iya ika napulo (10) katuig nga kaadlawan apang sa masubo nga palad ini ang nalumos kag napatay.
May nakita nga samad sa lawas sang bata apang nagapati ang pamilya sini nalumos ang biktima.
