Iloy nag bun-ag sa tion sang Dinagyang Festival 2023

ILOILO CITY — Wala gina lauman sang hinali lang nag bun-ag si Charlene Lobaton, 27 anyos sang iya bata nga babayi nga gin hingadlan kay Dianne Jane, sa pihak sang kapistahan ni Sr. Santo Niño lakip na ang Dinagyang Festival, alas-6:15 sang aga sa JM Basa St, City Proper Sabado nga adlaw sang Enero 22, 2023.

Basi sa gin paguha nga pahayag sang Iloilo City Police Station Office sa ila official facebook page gin siling diri nga ang duha ka pulis amo sanday Police Staff Sergeant Resurrection Alipon Jr, sang Sibunag Municipal Police Station kag ang iya nga buddy naman nga si Police Corporal Joe Ben Moleño sang Sibunag Municipal Police Station.

Dugang pa diri, si Aliponso kag si Moleño ang kapulisan sang Guimaras Police Provincial Office ang gin deployed para sa seguridad sang kadam-an sa gin hiwat nga Dinagyang Festival 2023.

Sa Exclusive sang Radyo Bistado kay Lobaton iya gin siling nga to the rescue naman ang kapulisan agud nga mag assist sang nag guha na ang iya nga bata kag pinaagi sa komunikasyon sang radyo ngs gilayon nga nadala si Lobaton sa malapit nga laying-in Center.

Gin pahayag man ni Lobaton nga sang siya ang nag pa ultrasound nahibalo-an sini nga sa Enero 21 siya ma bata apang sang gab-i palang naga batyag na siya sang pag sakit sa iya nga tyan nga indi tayuyon.

Manami pa ang pag tulog ni Lobaton sang alas-4:00 sang kagaagon adlaw na sang Sabado, Enero 22, 2023 tion na sang Dinagyang Festival nga hinali lang nag batyag ini sang pag sakit sang tyan, nakabugtaw si Lobaton alas-5:00 sang aga kag gin pamangkot siya sang iya ugangan nga kon ga sakit ang iya tyan apang gin sabat sini naga untat-untat naman ang pag sinakit.

Pahayag pa ni Lobaton nga sang pag bika niya kag pag tindog may naga danlak na gin palihog sini ang iya nga bata nga mag kuha sang tubig kag mag lagaw-lagaw anay gina abi-abi pa sini nga basi indi pa mag guha ang bata apang na tukiban sini nga ma guha nagid ang iya nga bata. Sang naligo na si Lobaton nga nag basyada sang tatlo ka kabo sang tubig kag nag dali-dali ini hilis sang bayo kag diaper diri na nag guha ang iya nga bata.

Madinalag-on naman nga gin bun-ag ni Lobaton ang iya ika-apat nga bata nga maayo ang kondisyon kag una sini nga tion nga siya ang mag bata sa adlaw sang Dinagyang Festival.

Dugang pa ni Lobaton, naga pasalamat naman ini sang dako sa pag asisst sang kapulisan sa iya kag nag presentar naman ang mga ini nga mangin maninoy sa bunyag sang iya nga bata.