Isa ka army patay sang tiro sang kabaro sini sa banwa sang Sigma, Capiz
![ILOILO CITY - Patay ang Isa ka myembro sang Philippine Army matapos gintiro sang iya man kabaro sa Brgy. Pinamalatican, Sigma, Capiz ginabulubanta sa 15 kilometro sa Sigma Municipal Police Station mga alas 9:30 ang takna gab-i, Desyembre 6, 2022.](https://radyobistado.com/wp-content/uploads/2022/12/glock-17.jpg)
ILOILO CITY – Patay ang Isa ka myembro sang Philippine Army matapos gintiro sang iya man kabaro sa Brgy. Pinamalatican, Sigma, Capiz ginabulubanta sa 15 kilometro sa Sigma Municipal Police Station mga alas 9:30 ang takna gab-i, Desyembre 6, 2022.
Ang biktima ang ginkilala Kay SSg. Mariano Taipan y Daran 43 anyos, kasado, residente sang Brgy. Jaena Norte, Jamindan, Capiz katapo sang Phil. Army 12IB, 3ID nga nabase sa camp Cation Cepriano sa banwa sang Calinog, Iloilo.
Ang suspek ang ginkilala kay Cpl. Joemarie Aranguin Fermaran, 41 anyos kasado residente sang Brgy. Lumapao, Canlaon City, Negros Oriental katapo sang Phil. Army kag lunsay assigned sa nasambit nga kampo.
Suno imbestigasyon sang Sigma Municipal Police Station, nagapreparar na kuntani ang suspek agud magpadulong sa duty, sa haya sang kaupod sini nga napatay sang ginpadulungan ini sang biktima kag ginkompronta rason sang pagluntad sang pagbina-isay sa tunga sang mga ini.
Nag-gabot sang armas ang suspek kag gintiro ang biktima sang makapila ka beses gamit ang iya service firearm. Tungod sini naka-angkon sang igo si SSgt. Taipan sa mgkatuhay nga bahin sang iya lawas. Ginhingagaw pa dala Ang biktima sa Mambusao District Hospital apang gindiklarar ini sang attending physician nga Dead-on-arrival.
Sa karun Ang suspek Ang nakahunong na sa Sigma Municipal Police Station para sa nagaka-igo nga desposisyon.
Samtang narekober naman sa sa crime scene ang byenti-dos (22) ka mga empty shells sang calebre 5.56mm, isa ka 9mm Glock 17 nga loaded sang 16 ka mga bala kag isa ka empty magazine sang M16 rifle.
Sa karun padayon pa ang ginahiwat nga imbestigasyon sang Sigma Municipal Police Station may kaantanan sa nasambit nga insidente.