Most wanted person sa western Visayas arestado sa banwa sang San Rafael, Iloilo
ILOILO CITY – Arestado sa gintingob nga pwersa sang RID6, ICPS3 kag San Rafael Municipal Police Station si Reynaldo Jamiñas Y Acejo, 51 anyos, kasado kag residente sang Brgy. Sagrada Familia, Dumarao, Capiz alas 5:20 ang takna sang hapon sa Brgy. Poblacion, San Rafael, Iloilo Desyembre 7, 2022.
Si Jamiñas ang ginakabig nga most wanted person sa western Visayas sa kaso nga murder. Gindakop ang suspek pinaagi sa gahom sang Warrant of Arrest nga wala sang pyansa nga ginrekomendar.
Sa karun nakahunong na ang suspek sa San Rafael Municipal Police Station para sa nagaka-igo nga disposisyon.
