2 ka tuig nga bata nalamos sa Calinog, patay!
ILOILO CITY — Patay na sang gin padangat sa hospital ang duha ka tuig nga bata matapos malumos sa canal, alas-6:30 sang gab-i sa Barangay Canabajan, Martes, Enero 31, 2023.
Sa interview sang Radyo Bistado kay Police Master Sergeant Ricky Lubas ang Investigator On Case sang Calinog Municipal Police Station iya gin pahayag nga natabo ang insidente, alas-6:30 sang gab-i, Martes nga adlaw sa diin nag lakat ang iloy sang biktima nga si Nalyn Palencia, 36 anyos agud mag bahog sang ila nga baboy nga na hamtang sa 15 metros ang kalayoun halin sa ila puluy-an, samtang ang amay nga si Marlon Palencia, 36 anyos sang biktima ang na bilin sa ila nga balay kag wala nakahibalo ang iya asawa nga siya ang mahalin na.
Gin siling man ni Lubas sang amo nga adlaw may kadtoan ang amay sang biktima, sang na guha na si Marlon sa iya balay nakita ini sang biktima kag ini ang nag sunod man, gin hambalan sini nga mag balik sa ila balay kag nakita man ni Marlon nga nag balik man ang iya nga bata apang wala ini makahibalo nga wala nag sulod sa ila balay ang iya nga bata, ini ang nag taklad pa malapit sa project canal nga yara may sang na hamtang nga 3 ka bilog nga kawayan nga gina latayan sa canal nga gina pasuni didto nag agi ang biktima kag ini ang na danlog. Sang nag balik ang iloy sa balay bangud naga dulom na gin pamangkot sini ang iya anak nga kamagulangan kon diin ang ila manghud diri na nag umpisa pangayu bulig Nalyn sa kaparyentehan sini sa palibot kag nalang nila ang biktima nga nalumos na sa canal.
Suno pa sa pahayag ni Lubas, ang gin lumsan sang biktima yara sa 20 metros ang kalayou gikan sa ila puluy-an kag ila ini gin takos ang canal nga yara sa kutod tuhod ang kadalumon.
Dugang pa ni Lubas, gin hingagaw pa dala ang biktima sa Doctor Ricardo H. Provido Memorial Hospital apang gin bawi-an gid ini sang hulam nga kabuhi.
