4.7 milyon pesos nga balor sang halit nga gin bilin sang sunog sa distrito sang Molo

ILOILO CITY – Balor 4.7 milyon nga kahalitan sang sunog ang gin bana-bana sang arson investigator sa duwa ka iping nga barangay sa Molo sang tinalikdan nga Sabado, Enero 28, 2023.

Alas-4:37 sang kaagahon, Sabado nga adlaw, Enero 28, 2023 sang nag umpisa ang kalayo nga nag halin sa balay ni John Robert Bantario kag nag halit sa 284 ka mga panimalay sa Barangay West Habog-Habog kag San Juan, Molo.

Basi sa imbestigasyon ni Senior Fire Officer 1 Ronald Jake Solis ang Arson Investigator sang City Fire Station sang ma Interview sang Radyo Bistado nga may na baton sila nga tawag alas-4:37, Sabado sang kaagahon sa diin gina lamon na sang kalayo ang nasambitan nga duha ka barangay nga nag dugay sang isa-ka-oras kag quarentay-singko-minutos(1:45) nga nag dangat sa ika-apat nga alarma sa diin ini ang patima-an nga halos tanan nga firetruck sa ciudad ang nag responde sa sunog.

Gin kompirma man ni Solis nga indi patay ang hotline sang Molo Fire Station bangud ila man nabaton ang tawag sang concerned citizens kag may yara man mismo nag padulong sa ila talatapan agud ipahibalo ang natabo sa duha ka barangay. Gilayon naman nag responde ang Molo Fire Truck nga gin sundan sang Calumpang, bangud sa ma gutok nga dalan tuga sang mga naga parking nga behikulo ini ang gina tudlo nga rason ni Solis kon nga indi sila gilayon nga makasulod.

Gin pahayag man ni Solis nga ang gin halin sang kalayo amo ang balay ni John Robert Bantario nga na hamtang sang West Habog-Habog, bangud ang puluy-an ni Bantario ang nahimo sa light materials lakip na ang mga nakapalibot sini nga mga panimalay dugang pa nga malapit sa suba kag ma baskog ang dapya sang hangin rason sang madasig nga pag lapta sang kalayo nga tuga sang 284 nga kabilogan sang balay ang na halitan lakip na diri anf West Habog-Habog nga may 195 ang totally damage nga may 3 ka partially gutted kag 69 ka panimalay ang totally damage nga may 17 ka partially gutted sa San Juan nga naga balor sang 4.7 milyon pesos.

Suno pa kay Solis iya gin siling nga wala sang may na trap nga mga kabataan nga nag tuga sang pag taliwan ma luwas lang gid sa mga ka sapatan nga na sunog kag nag kalamatay, may yara man sang mga pumuluyo nga naka angkon sang menor nga kapilasan tuga sang pag kinaran-karan sang nag luntad ang sunog.

Mensahe naman ni Solis naga siling nga delayed ang ila pag responde, “ sa naga hambal nga delayed amon nga pag responde, siguro abstracted lang gid ang dalan amo ga hambal sila nga wala ka sulod ang fire truck didto.”

Dugang pa ni Solis, ” indi kita mag hambal nga gin hungod sunog, padayon pa man ang aton imbestigasyon, tanan man nga angulo gina tan-aw naton.”

Sa karon, gina tan-aw ni Solis ang gin tuna-an sang kalayo amo ang problema sang kuryente sa balay ni Bantario apang ini ang hapyaw pa lamang nga pag tan-aw sa naga padayon nila nga imbestigasyon.

Basi sa pahayag ni Congresswomen Jam Jam Baronda nga gin paguha sa iya official facebook page, iya gin siling nga ang totally damage nga puluy-an ang maga baton sang 15,000 pesos kag 10,000 pesos naman para sa partially gutted.

Gin pahayag man ni Baronda nga maga bulig man si Senator Bong Go, House Speaker Martin Romualdez, House Senior Deputy Majority Leader Sandro Marcos kag ang National Housing Authority sa liwat nga pag bangon sang mga pumuluyo.

Dugang pa diri, bisita ni Baronda sa Baluarte kag San Juan Elementary School nag dala ini sa mga pumuluyo sang palanyagahon kag palanyapunon.