Kontrobersyal nga bus conductor nangayo pasaylo sa estudyante nga wala niya ginhatagan sang kambyo
ILOILO CITY – Wala gid mapungan ni Ruel Salmerano nga mangin emosyonal matapos mangayo sang pasaylo sa estudyante nga nagplete sang kenyentos pesos (500) kag wala niya ini nahatagan sang insakto nga kambyo.
Nahibalu-an nga nangin viral sa social media ang post sang Isa ka estudyante nga nagsakay sa Ceres bus halin banwa sang Anilao, Iloilo nga mapadulong sa iya buluthu-an sa banwa sang Ajuy, gintekitan ini sang syen pesos (100) kag naghatag ini sang kenyentos pesos (500) bilang pamasahe sa konduktor apang ginpanginwala sang konduktor nga nabaton sini ang kwarta sang nasambit nga estudyante. Tungod sini nag-umpisa ang pagbina-isay sa tunga sang estudyante kag sang konduktor kun sa diin naghilibi-on gid ang estudyante kay suno sa iya ginpaninguhaan ini sang iya ginikanan agud mapabalunan ini padulong sa eskwelahan tungod sini nalu-oy ang iban nga mga pasahero kag gintagan ini sang 500 pesos bilang balon samtang nakuha -an ini sang video sang amo nga estudyante kag ginpost niya ini sa social media kag nakakuha naman ini sang nakasari-sari nga reaksyon sang netizen.
Gilayon naman nga nag-aksyon ang management sang Vallacar Transit kag ginpapana-ugan sang preentive suspension ang nasambit nga konduktor tungod Suno sa pahayag ni ma’am Jade Marquez ang Public information officer sang Vallacar Transit, wala nila gina tolerate ang nangin akto ni Solmerino. Nagpadulong naman sa balay sang estudyante ang Vallacar agud mangayo sang pasaylo sa nasambit nga estudyante.
Sa karun naga-ayo si Ruel Solmerino upod ang iya asawa sa estudyante nga patawaron na ini sa iya nangin kapaltahan kag sa naga bash sa iya online nagapangayo man ini sang paghangop tungod kay naapektuhan na sini pati ang iya pamilya suno kay Solmerino nga wala sini natalupangdan ang ginhatag nga kenyentos (500) pesos tungod kay puro (100) syen pesos ang nakimpit sang iya mga tudlo kag masako ang pagasaka pana-ug nga mga pasahero rason sang iya pagsala. Nagpanugyan man ini sa management sang Vallacar Transit nga hindi pagpalawigon ang iya suspension kay may kabataan man ini nga ginasagud.
