Lalaki nga wala na sang kabuhi nasapwan patay sa talamnan sa banwa sang Barotac Viejo, Iloilo
ILOILO CITY – Wala na sang kabuhi sang masapwan ang 69 anyos nga sinior citizen sa higad sang talamnan alas 6:15 ang takna sang aga sa Sitio Hambag, Brgy. Vista Alegre, Barotac Viejo, Iloilo
Ang biktima Ang ginkilala Kay Markoni Barcelona, 69 anyos, kasado kag residente sang nasambit nga Lugar.
Suno sa interview sang Radyo BISTADO kay PMaj. Ciriaco Esquilarga Ang OIC sang Barotac Viejo MPS, ginsiling sini nga katapusan nga nakita ang biktima kahapon nga adlaw nga naga-inom upod sa mga abyan sini kag kaina sang aga alas 6:15 nasapwan ini nga nagahamyangon sa talamnan sa kilid sang kalsada. May nakita nga mga samad sa ulo Ang biktima kag pagkabuno sa nalikod nga bahin sang iya lawas.
Dugang pa ni Major Esquilarda nga sa tagsa nga mahubog ang biktima nagasinggitan ini kag nagama-oy, apang sa karun wala pa matumod sa mga kapulisan ang rason ukon motibo sa nasambit nga kremin.
Sa karun may ginasundan na nga lead Ang mga Kapulisan agud matumod Ang identify sang suspek samtang padayon pa ang ginahiwat nga imbestigasyon sang Barotac Viejo MPS.
