Lalaki patay matapos gin dusak sang iya pakaisa sa Janiauy
ILOILO CITY — Bangud sa kahulugbon pakaisa gin buno ang iya mismo pakaisa, alas-12:05 sang kaagahon sa Barangay Tambal, Janiuay, Huwebes, Enero 9, 2023.
Sa interview sang Radyo Bistado kay Police Lieutenant Alwin Salmon ang hepe sang Janiuay Municipal Police Station iya gin pahayag nga antes paman ma tabo ang insidente gab-i palang sang Pebrero 8, 2023 naga inom na sang makahulobog nga ilimnon sanday Bryan Cuarte, 24 anyos, biktima kag residente sang nasambit nga barangay upod man ang suspek nga si Jaypee Cuarte, 25 anyos, residente sang Barangay Dalusan, Maasin nga lunsay mag pakaisa.
Samtang sila ang naga inom sa sulod sang kubo hinali lang sila nga duwa ang naga binaisay sa wala mahibalo-an nga rason kag bangud man sa kahulugbon gilayon nga gin dusak ni Jaypee si Bryan sang lima ka beses sa dalom sang nawala nga dughan sini gamit ang jungle knife nga yara sa anum ka pulgada ang kalaba-on.
Suno pa kay Salmon, patal nga pilas ang na angkon ni Bryan kag siya ang gin hingagaw dala sa Janiuay District Hospital apang gij deklara ini nga dead on arrival.
Apisar nga sila ang mag pakaisa disidido naman mag pasaka sang kaso ang pamilya ni Bryan batok kay Jaypee.
Sa karon, padayon pa ang pag pangita sang kapulisan matapos nga gin himo ni Jaypee ang krimen gilayon ini naka palagyo padulong sa wala mahibalo-an nga direksyon.
![Photo courtesy of Janiauy MPS.](https://radyobistado.com/wp-content/uploads/2023/02/received_5964245833669890-768x1024.jpeg)