Ang mga tikang para sa gina problema sang ciudad ang nangin topiko sang kapulisan
ILOILO CITY — Problema sa druga, mga listahan sang nag balik gamit sa iligal nga druga kag pag pakilala sang mga bag-o nga station commanders ang nangin topiko sa gin hiwat nga press conference hapon sang Biyernes sa ICPO.
Sa pag panguna ni Police Colonel Joeresty Coronica ang Officer-In-Charge sang Iloilo City Police Office (ICPO) isa-isa diri iya gin pakilala ang mga bag-o nga commanders sa tanan mga estayon sa mga katapo sang media agud mangin malapit ang kapulisan sa ila para nga mangin mas ma hapos sa mga media practioner ang pagkuha sang mga kinhanglon nga mga impormasyon kag sa iban pa nga aspeto sang pag binuligay.
Sa interview sang Radyo Bistado kay Coronica iya gin pahayag nga may yara na siya sang mga listahan sang mga barangay nga problemado sa iligal nga druga apang indi pa sini mapa guha.
Dugang pa ni Coronica nga may instruction naman siya nga gin bilin sa tanan nga station commanders nga pang tipunon ang mga kapitan sang barangay agud kolektahun ang mga listahan sang Barangay Anti-Drug Abuse Counsil (BADAC) kag nakasugilanon naman siya sa 108 ka mga kapitan sang barangay kaupod ang alkalde sang ciudad.
Indi lang iligal nga druga ang gusto nga tapna-on ni Coronica kondi nalakip man ang iban nga sahi sang krimen nga naga luntad sa ciudad sang Iloilo.
Naga pati man si Coronica nga partner sang kapulisan ang mga media practioner agud mag palab-ot sa mga pumuluyo kon ano ang gina hikut sang kapulisan.
