Kapin sa 305 ka mga baboy ang ginde-population sa banwa sang Oton bangud nagpositibo sa African Swine Flu ukon (ASF)
ILOILO CITY – Sang damlag lang nahibalu-an nga lima ka mga baboy nga ginkuhaan sang blood sample agud ipa-idalum sa laboratory test sang Bureau of Animal Industry (BAI).
Samtang kahapon nga adlaw nga guwa ang resulta sang pagtuon nga kag ginpasuni nagpositibo ini basi sa Department of Agriculture- Regional Agriculture and Fisheries.
Sa karun ginmandu na sang Iloilo Provincial Veterinary Office nga ipa-idalum sa 500- meter Radius Quarantine measures ang lugar.
Kasunod sini nagahulat nalang si Gov. Arthur Defensor Jr. Sa statement sang Department of Agriculture agud masuguran na ang pagpatigayon sang Contact tracing sa mga baboyan sa probinsya sang Iloilo, dugang pa sang gobernador nga nakahanda na ang iya gintukod nga ASF task force agud magcoordinate sa mga local task force sa mga kabarangayan agud sa patigayunon nga rapid test sa mga baboy sa mga kabanwahanan sa probinsya.
Kadungan man sini nagpagwa man sang memorandum no. 22-003 ang Provincial Government sang Negros Occidental nga gin-issue ni Gov. Bong Lacson agud magdumili sa pagsulod sang live, pork meat kag pork products halin sa isla sang panay kag sa probinsya sang Guimaras.
Ang nasambit nga memorandum ang ginpatuman sang ASF Task Force nga amo ang magabantay kag magascreening sang mga live animals, pork products nga nagahalin sa isla sang panay kag sa probinsya sang Guimaras.
Samtang ginmandu man sang lokal nga pamunu-an sang probinsya sang Antique nga magbutang sang boarder control agud malikawan nga makasulod ang nasambit nga balati-an. Nag-abiso ini sa mga taga Antique nga kun luyag magbaligya sang baboy sa gwa sang probinsya kinahanglan nga magkuha sang “Certificate of free status.
