Manog lasa sang litson manok gin-lasa ang iya kaupod sa obra
![ILOILO CITY — Daw manok nga gin-gulgulan sang ulo kag gin-utod ang magtimbang nga mga butkon sang biktima sang iya malang kaupod sa trabaho sa litsonan sang mga manok.](https://radyobistado.com/wp-content/uploads/2022/12/manug-lasa.jpg)
ILOILO CITY — Daw manok nga gin-gulgulan sang ulo kag gin-utod ang magtimbang nga mga butkon sang biktima sang iya malang kaupod sa trabaho sa litsonan sang mga manok.
Ini ang nahitabo, alas-6:30 sang aga sa Cacao Street, Sitio Canipayan, Barangay Bakhaw, Mandurriao, Iloilo City. Aga pa sang banwa ginkakibot sang mga pumuluyo sa lugar ang ini nga insidente nga halus sila mismo ang indi makapati.
Basi sa imbestigasyon sang Mandurriao Police Station sa pagpanguna ni Police Major Rey Sumagaysay, alas-6:30 sang aga, Martes, Disyembre 20, 2022 sang ginpahibalo ni Tanod Commander Cardo Halaman nga may yara sang dungo-on nga lawas sang lalaki nga utod na ang mga butkon lakip na ang ulo kag wala na sang kabuhi. Nasapwan ang lawas ni Pisaro sa sulod sang ginadayon nila nga balay nga ginapanag-iyan ni Jero Hibionada sa diin lunsay trabahador sini Pisaro kag Clemente sa negosyo sini nga litsonan sang manok.
Sang nag padulong na ang mga kapulisan sa lugar buta sang dugo ang mga kamot ni Claudio kag mga tiil sini, daw sa wala lang sang may natabo sa sitwasyon sang siya ang gin-aresto, gaka-urangan samtang ginapusasan ang mga kamot kag malayo ang paminsaron nga indi makita sa iya nawong ang paghulsol kag nakamitlang pa sa mga kapulisan sang “ma surrender ako sir.”
Ang biktima amo si Ricky Pisaro, 32 anyos kag residente sang Barangay Genis Interior, Cabatuan, Iloilo. Samtang, ang suspek naman ang ginkilala kay Raffy Claudio, 26 anyos kag residente naman sang Taft Railway Zone 4, Santa Barbara, Iloilo.
“Nakita man naton didto ang gon gamit ni Raffy sa paglasa sa lawas ni Ricky ang butchers knife nga nahamtang sa ibabaw sang folding bed kag nakita man naton didto ang posisyon sang aton nga biktima nga ang nawala kag tou nga kamot ang nag bulag sa lawas niya kag kasubong man ang ulo niya nga na utod gid ini,” hambal ni Sumagaysay
“Actually gin-pamangkot man naton kagina ang suspek didto sang time nga nag-pungko, according sa iya sang Domingo nga adlaw pila palang sya ka adlaw dira daw gin-hagad ini siya ni Ricky nga mag shat(to drink alcohol beverages) apang wala man naga inom si Raffy,” ang pahayag ni Sumagaysay.
“Nakita naton kag na pamangkot ang ginikanan ni Raffy nga sang tuig 2015 na patay ni ang tatay niya, gin patay man sang pakaisa nila sang naga pauli pa sila sa Lambunao didto sa nabukid nga bahin mga tatlo(3) ka kilometero away halin sa banwa, so, pila palang edad niya, 16 or 15 daw didto ni nag sugod ang trauma ni Raffy,” Ini ang ginsiling ni Sumagaysay.
“Kita man mismo sang pagpamangkot naton kaina samtang naga pungko siya kag nakaposas na, daw na himutaran naton, daw waay sang paghinulsol sa bahin ya no, daw simpli kag ordinaryo lang ang na tabo pero pagpinamangkot naton ka dugay sa iya mag sabat kag kalayo sang iya paminsaron, nag tugma man ini sa panaysayon sang iloy ni Raffy kag sang na pamangkot naton kaina ang suspek nakabati siya nga patyon siya kuno ni Ricky,” dugang pa ni Sumagaysay.
Yara naman sa isa ka punerarya ang lawas ni Ricky kag nakahunung naman si Raffy sa lock-up cell sang Mandurriao PNP kag na pasakaan na ini sang kaso nga Murder.