Construction worker gin atrasan sang backhoe kag nalapakan sa Mandurriao

ILOILO CITY — Patal nga pilas sa ulo, abdominal trauma kag bali ang mga tul-an ang na angkon sa lawas sang biktima matapos aksidente nga ma atrasan kag nalapakan, alas-11:10 sang aga sa Aleosan Road, Barangay Guzman-Jesena, Mandurriao, Sabado, Enero 7, 2022.

Sa exclusive interview sang Radyo Bistado sa nakakita sang insidente nga si Miguel Cabiroy iya gin istorya nga, “ang kwan sini, naga kut-kut sila sang amon nga inug hulog sa backriver, nag kuha sila sang kabilya nga i-hulog tani te gin pa panaog nila ang kabilya anay to, ang ano to ni foreman nga dagdag ang duta gin pahingagaw, te karon kay duha sila ang spotter sa una kag sa buli, te siling iya ya nag panago sa likod sang backhoe wala makita sang driver, daw blind spot, indi siya makita gid sang driver. Te ang spotter to nga isa ya naga sensyas na siya nga abante, siling niya ya atras, te wala sila mag inchindihanay, na ipit gid siya iya sir tapos ang pag ka tumba niya ya ang buli niya na bunggo-an kag nag hapa gid siya ya, na latayan gid siya sang rida sang backhoe.”

Istorya pa sini, “sang pag ka tapak sa iya sir ang tiil ya may pilas ang ulo ya nag suka na sang dugo, gina kwan man namon nga ma survive siya bala, ga hulag pa siya ya sir te kay ka dugay man mag abot ang medic, tunga sa oras na sa sir nga na tapakan tungod kay trapik. Sang nag abot na ang rescue gin pamangkot ko pa, niya DOA naman, te siling ko rescueha lang anay basi ma kwan paman te ano naman to sa hospital kag ara naman to si foreman namon.”

Suno sa imbestigasyon ni Police Senior Master Sergeant Alfred Masamong ang Investigator On Case sang Mandurriao PNP sang nag pakig-angut ang Radyo Bistado, “may project sila dira no drainage system kung indi ako mag sala, so, ang ining backhoe naga hakwat sang mga steel, so, karon pag hakwat according ni sa driver nga si Jilbert Macasia, 32 anyos, taga Cristina, Tapaz, Capiz pag hakwat ya, pag butang may jutay pa kuno sa gin kut-kut nila, so, nag atras siya, pag stras niya ining spotter niya nga biktima posibli na bunggo-an niya kay indi ya man makita mo kay te ara sa likod. Suno ining naga sensyas ang spotter niya sa atubang nga gulpi lang nag siling nga gin senyasan siya nga abante, without his knowing na ran over niya na ang biktima.”

Sa pag padayon pa ni Masamong,“pag atras sa iya, na tumba siya kag nag diretso siya hapa, may severe head injury siya, abdomenal trauma, pati ang lawas ya te, kay nag ran over ang backhoe sa lawas niya, gin hingagaw man siya dala sa Western Visayas Medical Center apang gin deklara ini siya nga dead on arrival.”

Dugang pa ni Masamong, ang foreman naman sang proyekto sa lugar amo ang tiyo sang biktima kag siya ang nag dala sa iya nga hinablos agud mag trabaho.

Samtang, nag pamalibad naman si Masamong nga mag hatag sang pangalan sang biktima bangud iya gina depensahan nga may mga himata ini nga makibot sa wala gina lauman nga matabo kag ma resulta sa ila ikaayong lawas.

Sa karon, yara naman sa paghinakop sang Mandurriao PNP si Macasia kag wala paman nakasugilanon ang mag timbang nga bahin kon ano ang posibli nga dangatan sa nag luntad nga insidente.