Anay tokhang surrenderer arestado sa ginpatigayon nga drug buy bust operation sa banwa sang Banate, Iloilo
ILOILO CITY – Dakup sa gintingob nga pwersa sang Station Drug Enforcement Team (SDET) kag sang Banate MPS sa pangpamuno ni PLt Dandy D Ilalto, ang anay tokhang surrenderer alas 9:15 ang sang aga sa Barangay Libertad, Banate, Iloilo, January 7, 2023.
Ang suspek ang ginkilala kay Mark Anthony Nuñez y Vargas 40, anyos, kasado, Wala sang trabaho, anay tokhang surrender kag residente sang Brgy. Zona-sur, Banate, Iloilo.
Nakuha sa paghinakop sang suspek ang isa ka (1) plastic sang eligal nga druga nga nagabalor sang isa ka libo ka P1000 pesos bilang buy bust items, P1,480 pesos bilang buybust money kag lima (5) ka mga plastic sang ginapatihan eligal nga druga nga ginabulubanta nagabug-at sang 0.5 gramos nga may market value nga nagadangat sa P14, 000 pesos kag isa ka scooter nga motorsiklo nga gingamit bilang get-away vehicle sang suspek.
Sa karun nakahunong na Ang suspek sa custodial facility sang Banate Municipal Police Station para sa nagaka-igo nga disposisyon.
