Puluy-an nga wala sang tawo, na sunog sa Dueñas
![ILOILO CITY — Indi pa matumod sang Dueñas Bureau of Fire Protection kon ano ang gintunaan sang pagkasunog sang puluy-an nga gina panagiyahan ni James Advincula, alas-9:02 sang aga sa Barangay](https://radyobistado.com/wp-content/uploads/2023/01/bureau-of-fire-protection.jpg)
ILOILO CITY — Indi pa matumod sang Dueñas Bureau of Fire Protection kon ano ang gintunaan sang pagkasunog sang puluy-an nga gina panagiyahan ni James Advincula, 46 anyos, alas-9:02 sang aga sa Barangay Batwan, Martes, Enero 25, 2023.
Suno sa pahayag ni Fire Officer 2 Marlee Castillon ang Public Information Officer sang Dueñas Fire Station sang ma interview sang Radyo Bistado iya gin siling nga tupad balay lang ni Advincula ang nag padangat sa ila nga gina lamon na sang kalayo ang ila puluy-an. Sang natabo ang insidente wala gid sang tawo ang balay ni Advincula bangud ini siya ang naga trabaho kag naga butho naman ang iya mga kabataan.
Gin pahayag pa ni Castillon nga sang sila ang nag abot sa lugar wala na sila sang may na abtan pa nga naga kalayo kag naga aso na lang ang puluy-an. Gina banta yara sa 45,000 pesos ang halit nga gin bilin sang sunog kag pasalamat man ini nga wala naman nag lapta sa mga kaingod balay ang kalayo kag wala naman sang may na pilasan.
Dugang pa ni Castillon, ini ang una nga sunog sa bulan sang Enero tuig 2023 sa banwa sang Dueña.
Sa karon, naga padayon pa ang imbestigasyon sang taga BFP kon ano ang gin tuna-an sang kalayo.