Salakyan bumonggo sa poste sang cctv, 3 ka sakay pilason sa probinsya sang Antique
![Sibalom, Antique — Wasak ang ulo nga porsyon sang Honda City matapos bumunggo sa poste sang Closed Circuit Television (CCTV), las 7:40 sang aga Miyerkules, Disyembre 7, 2022 sa Barangay Odiong.](https://radyobistado.com/wp-content/uploads/2022/12/wrecked-car.jpg)
Sibalom, Antique — Wasak ang ulo nga porsyon sang Honda City matapos bumunggo sa poste sang Closed Circuit Television (CCTV), las 7:40 sang aga Miyerkules, Disyembre 7, 2022 sa Barangay Odiong.
Sa pakig-angut ni sang Radyo Bistado kay Police Major Renato Montereal II, Chief Of Police sang Sibalom Municipal Police Station, gikan sa banwa sang Patnongon ang behikulo kag padulong na kontani sa banwa sang San Jose, sang padulong na ang salakyan sa crossing Althea nga amo ang ginluntaran sang aksidente nadulaan sang control sa manubela ang driver nga si Diosdadi Octico, 54 anyos nga residente sang Barangay Aurellana, Patnongon bangud sa over speeding samtang sakay duha sini ka bata nga sanday Sven Emmanuel Utiko, 18 anyos kag isa 15 anyos nga babayi.
![Totally wrecked ang ulohan sang salakyan bangud sa pag ka bunggo sa poste. | Photo by Aaron Lloyd B. Refoyo](https://radyobistado.com/wp-content/uploads/2022/12/car-wrecked-head.jpg)
Bangud sini, na overshoot ang salakyan padulong sa Omma Bodega kag bumunggo sa poste sang CCTV. Sa resulta, nakaangkon sang mga minor nga pilas sa lawas ang mga sakay sang salakyan.
Suno pa kay Montereal, head on collision ang systema sang pagbunggo sang salakyan sa poste, kag wala naman sang may nahulamid nga iban pa nga behikulo ukun persona sa nagluntad nga aksidente.
Ginhangagaw naman dala sa Ramon Masa Sr. Memorial District Hospital matapos gin-dapatan sang una nga pagbulong sang mga nag-responde nga medic apang ginsaylo ang mga ini sa Angel Salazar Memorial General Hospital.