70 ka mga baboy sa banwa sang Oton, mahimo madugang sa mga pagapatyon bangud sang ASF
![ILOILO CITY - Suno kay Dr. Darel Tabuada ang Head sang Provincial Veterinary Office nga magadugang sila sang 1km radius halin sa ground zero kun sa diin ini amo ang magabantay kag magakuha sang mga blood sample sa mga baboy.](https://radyobistado.com/wp-content/uploads/2022/10/hog.jpg)
ILOILO CITY – Suno kay Dr. Darel Tabuada ang Head sang Provincial Veterinary Office nga magadugang sila sang 1-kilometer radius halin sa ground zero kun sa diin ini amo ang magabantay kag magakuha sang mga blood sample sa mga baboy.
Nahibalu-an nga magluwas sa 305 ka mga baboy nga una na nga ginpamatay may 70 pa ka mga ini ang natalana nga ede-populate sa sulod sang 5 kilometer radius sa banwa sang Oton.
Tungod sini ginpasangkad pagid ang pagmonitor agud wala sang may makasulod kag makagwa nga mga live animals, karne sang baboy kag pork products sa lugar.
Kadungan sini nagpagwa na sang Executive Order no. 460 si Gov. Arthur Defensor Jr. Para sa Probinsya sang Iloilo Angut sa quarantine procedure and Disease prevention and control measure sa African Swine Fever.
Tungod sini basi sa Executive Order no. 460 nga may lima ka zoning nga pagasundon ang probinsya.
Red-infected zone, pink- Buffer zone, yellow -surveillance zone, light green -protected zone kag dark green nga amo naman ang free zone.
Suno kay Gov. Defensor nga hindi pwedi makapa gwa sang baboy ang banwa sang oton tungod kay nalakip ini sa red zone apang umpisa subong pwedi sila makapasulod sang baboy sa iban nga banwa sa sulod sang napulo ka kadlaw.
Ang red zone ang mga banwa nga may kompirmado nga kaso sang (ASF).
Ang pink zone mga banwa nga wala sa may nakita nga kaso sang ASF nga yara sa boundary sang red zone, Yellow zone mga banwa nga malapit sa pink zone kag wala sang kompermado nga kaso sang nasambit nga balati-an, Light Green- ang mga banwa moderate risk samtang ang Dark Green naman ang mga banwa nga classified sa manubo nga resgo.
Samtang hindi naman makapasulod kag makapagwa pakadto sa iban nga banwa sang mga baboy ang mga kabarangayan nga nalakip sa 1 kilometer halin sa Ground Zero.