Kapin 500,000 pesos nga balor sang shabu na kumpiska sa gin kasa nga buy-bust operation sa Oton
![](https://radyobistado.com/wp-content/uploads/2023/02/drug-busted.jpg)
ILOILO CITY — Anay preso sa kaso sang pag hupot sang iligal nga druga liwat na dakpan, alas-2:30 sang hapon, Biyernes, Pebrero 10, 2023 sa Barangay Poblacion South, Oton.
Sa interview sang Radyo Bistado kay Police Major Ferdinand Limbungan ang hepe sang Oton Municipal Police Station iya gin pahayag na tigayon nga ma baklan sang isa ka bulto nga gina patihan shabu gamit ang buy-bust money nga 7,200 pesos sa gin tingub nga pwersa sang Station Drug Enforcement Team sang Oton Municipal Police Station Provincial Drug Enforcement Unit kag sang 1st Iloilo Provincial Mobile Force Company.
![Photo from Oton Municipal Police Station.](https://radyobistado.com/wp-content/uploads/2023/02/captured-1024x577.jpg)
Gin siling man ni Limbungan nga na recover ang isa ka bugkos kag apat ka plastik nga may unod sang gina suspetsahan shabu, buy-bust money, 1,250 pesos, isa ka cellphone, drug paraphernalias kag digital weighing scale gikan sa posisyon sang subject person nga si Rongie Melocoton,(alyas peewee), 34 anyos kag residente sang Barangay Poblacion East sa amo man nga banwa.
Dugang pa ni Limbungan, ang mga nakumpiska nga iligal nga druga nga gikan kay Malocoton ang naga bug-at sang 74 grams nga naga balor sang 503,000 pesos kag siya ang gina kabig nga High Value Individual kag Top Most Priority pag abot sa iligal nga druga.
Sa karon, yara naman sa pag hinakop sang Oton Municipal Police Station si Melocoton kag ini ang naga pangatubang sa pag bayolar sang Comprehensive Dangerous Drugs Act of 2002 ukon Republic Act 9165