Tiyo pilason matapos ginluthang sang iya man lng hinablos sa banwa sang Calinog, Iloilo
![ILOILO CITY - Ospital ang gintup-an ni Arthur Lopez 55, anyos, kasado matapos ginluthang sang suspek nga iya man lang hinablos nga si Danny Lopez, 41 anyos soltero kag lunsay residente sang Brgy. Dagatan, Calinog, Iloilo](https://radyobistado.com/wp-content/uploads/2022/11/Tiyo-pilason.jpg)
ILOILO CITY – Ospital ang gintup-an ni Arthur Lopez 55, anyos, kasado matapos ginluthang sang suspek nga iya man lang hinablos nga si Danny Lopez, 41 anyos soltero kag lunsay residente sang Brgy. Dagatan, Calinog, Iloilo
Natabo ang insidente alas 8:20 Ang takna sang gab-i Nobyembre 21, 2022 sa nasambit nga lugar.
Suno sa interview sang Radyo BISTADO kay PMSsgt. Ricky Lubas ang imbestigador sang Calinog MPS, ginsiling sini nga mga alas 8:20 ang takna sang gab-i sang nakabaton ini sang tawag nga may nagluntad nga shooting incident sa nasambit nga Lugar. Gilayon naman nga nagconduct Ang mga Kapulisan sang imbestigasyon kag didto nahibalu-an nga nagluntad ang kumosyon sa tunga sang magtiyo.
Suno sa iya nga ginpalapitan sang biktima ang suspek kag didto may nagluntad nga pagbina-isay sa tunga sang mga ini kag didto ginluthang sang hinablos ang tiyo gamit ang wala pa matumod nga armas luthang.
Naka-angkon sang mga samad sa dughan ang biktima nga igo sang bala kag ginhingagaw naman ini gindala ang sa Calinog District Hospital apang ginpakamaayo ini nga erefer sa Western Visayas Medical center nga sa karun yara na sa estable nga kahimtangan.
Samtang nakapalagyo naman ang suspek apang Suno sa impormasyon nga nabaton sang Radyo BISTADO nadakpan na ini sang mga kapulisan.