Driver sang motorsiklo nga bumunggo sa SUV sumuhot sa dalom sang salakyan sa Santa Barbara
![](https://radyobistado.com/wp-content/uploads/2023/01/nabunggo-an.jpg)
ILOILO CITY — Sumuhot sa dalom sang Sports Utility Vehicle (SUV) ang driver sang motorsiklo matapos ini mag overtake, alas-7:50 sang aga sa Barangay Cabugao Norte, Biyernes, Enero 6, 2022.
![The photo shows a man under the SUV. | Photo from Rowen Ranque used with permission.](https://radyobistado.com/wp-content/uploads/2023/01/fortuner.jpg)
Suno sa panaysayon ni Police Major Jose Rey Pabalan ang hepe sang Santa Barbara Municipal Police Station sang nagpakig-angut ang Radyo Bistado, “ si Reynan Selgera ang naga drive sang motor nga going ni sa tani pa Leganes, pag abot niya dira sa may highway sang Cabugao Norte nag overtake ni siya sa isa ka van, pag overtake niya wala na sini ma notice ang padulong nga SUV so, nag head on gid ini siya bugong sa SUV, sumuhot siya dalom kag na injured ini ang iya ulo pati na ang iya abag.”
![Blurred from the original photo due to privacy concerns. The photo shows a man under the SUV. | Photo from Rowen Ranque used with permission.](https://radyobistado.com/wp-content/uploads/2023/01/man-under-SUV.jpg)
Dugang pa ni Pabalan, “gilayon man ini siya nga gin dala sa Western Visayas Sanitarium Hospital sa amo man nga banwa but later gin declared nga patay siya, ari man diri sila kahapon sa station nag istorya ang both parties sa mga salakyan nga involved so, nag abot sila sa isa ka settlement so, kahapon mismo na agree-han ini ang nag luntad nga insidente.”
Nag pamalimad naman mag hatag pangalan si Pabalan sa pangalan sang salakan bangud ini nga sektor kag nag sugtanay naman ang mag timbang nga kampo nga mag areglohanay na lang.