1.3 milyon nga balor sang ginapatihan shabu na kumpiska sa gin kasa nga buy-bust operation sang PDEA 6 sa Jaro
![ILOILO CITY — Isa sa mga ginakabig nga drug cleared nga barangay sa Ciudad sang Iloilo apang gin ka kibot sang mga opisyales sang Barangay San Jose, Jaro matapos gin raid ang isa ka apartel sang Philippine Drug Enforcement Unit 6(PDEA), ala-1:45 sang kaagahon, Lunes, Enero 9, 2023.](https://radyobistado.com/wp-content/uploads/2023/01/buybust-1.jpg)
ILOILO CITY — Isa sa mga ginakabig nga drug cleared nga barangay sa Ciudad sang Iloilo apang gin ka kibot sang mga opisyales sang Barangay San Jose, Jaro matapos gin raid ang isa ka apartel sang Philippine Drug Enforcement Unit 6(PDEA), ala-1:45 sang kaagahon, Lunes, Enero 9, 2023.
Ang mga arestado amo sanday; Jameson Chua, 41 anyos sang Barangay Buray, Oton; Elea Alinsaguin, 22 anyos taga Barangay Naslo, Pototan; kag ang main target nga si Angelo Joy Lo, residente sang Barangay Abilay Norte, Oton.
![Photo by Aaron Lloyd Refoyo.](https://radyobistado.com/wp-content/uploads/2023/01/slippers-1024x576.jpg)
Ang anum nga mga na abtan sa drug den sanday; Kieth Kenneth, 40 anyos sang Barangay Fatima, Jaro; Kyster Gacer, 25 anyos taga Barangay Calumpang, Molo; Martin Co, 38 anyos residente sang Barangay South Fundidor, Molo; Raniel Ferraris, 31 anyos sang Barangay Rizal, La Paz; Gilbert Guzman, 27 anyos taga Barangay 15, San Miguel; kag si Arnel Alemania, 36 anyos residente sang Barangay 15, San Miguel.
Sa interview sang Radyo Bistado kay Atty. Bomrad Soc Abonado ang Acting Public Information Officer sang PDEA 6, “si Lo kag si Lea pa gid na bala ma dugay na ini nila gina monitor mga last year pa galing subong lang gid ni naka chansa sila bala, actually ang ila ya nga target which is si Angelo siya ya ang subject sang buy-bust galing kay gin dala sila sa boarding house nga gina rentahan ni bala ni Jameson Chua kag ni Lea no(arestado) so, natigayon ang buy-bust operation didto ya na kuha ang mas dako-dako, actually ang ila ma lang tani ang isa ma lang ka bulto so, more or less five-grams ma lang tani siya ang ila nga subject bala sa pag baylohanay sang illegal drugs.”
![Photo by Aaron Lloyd Refoyo.](https://radyobistado.com/wp-content/uploads/2023/01/beer-1024x576.jpg)
Suno pa kay Abonado, “so, amo to na tabu-an sang pag buy-bust nga si Jameson Chua may gina tago pa gid gali nga more or less 40 ka mga sachets sang suspected nga shabu and then ah, ang street value ya more or less mga 1.3 million, sang pag operate nila wala sa to nila nakita nga gamit gid sila ni Jameson pero may ara didto sa apartment nga na may anum amo to ang the rest nga out si Jameson di, Angelo kag si Lo ah, kag si Lea no the rest nga anum nga to amo to ang ga gamit at the time nga ga pot session so, amo to nga na dala sila nga ang target tani isa lang ka bilog nga dakpon nag lab-ot sa siyam kay ang iban sa to naga gamit, ga pot session sa kilid.”
Dugang pa ni Abonado, gina beripika pa nila ang anum nga na aresto kon sila ang may background sa pag hupot sang iligal nga druga, apang si Jameson ang ika-tatlo na nga na dakpan sadto kag ini ang gina monitor man nga drug personality sa banwa sang Pototan.
Pahayag pa ni Abonado, “si Lea nga na ang naga renta sa San Jose, ang gina pa guha niya na nga masahista siya kag naga room service siya kon abi at the same time ang gina gamit niya nga lugar nga dira niya dal-on ang kliyente para masahiyon galing ya may other services siya nga gina ano nga gina hatag nga ang upod ya nga si Jameson Chua naga baligya gali dira amo to nga si Angelo Lo dira ya gin dala, ang aton operatiba didto sila nag baligyaanay.”
Suno pa kay Abonado, “of course, usually indi man nila pag hambalon no ang source pero te, ah, as we all know ang mga sources sang mga illegal drugs diri sa aton sa Iloilo naga halin ini ya sa Negros or sa NCR panago ina so, gina forward na nila diri,ah, amat-amat nila sa mga ports naton te sa didto sa Negros area may mga part nada sang coastal bala nga dira ya gina, nga wala sang port so, usally ang gakatabo gina pa sulod nada nila gina GPS lang na kuno tapos may ma kadto lang na sa baybay para i-kuha-on so, ang sources gid mostly dira nga area pero of course wala na nila gina confirm sa aton pero amon base lang na sa mga intelligence naton didto na siya ga halin usually sa NCR pakdto sa Cebu, pakadto sa Bacolod, pakadto sa coastal areas sang Negros.”
Gin siling man ni Abonado nga naga padayon pa ang ila monitoring sa mga personalidad nga naga angut sa ila gamit ang ebedensya nga nakuha sang operatiba nga mga cellphones nga posibli ma track down sang natungdan agud ma hibalo-on kon may koneksyon sila sa Bilibid, sa iban nga drug personalities, diri sa region kag sa mga drug cartels sa guha sang pungsod.
Dugang pa ni Abonado, ma sobra isa man ka tuig nga nakuha sang operatiba ang salig ni Angelo bangud ang mga gina baligyaan lang sini ang iya lang mga malapit nga abyan antes ini kag iban pa nga madinalag-on nga ma dakpan.