Biktima sang pag pang luthang nasapwan sa kalsada sang Janiauy
![ILOILO CITY — Biktima nga nasapwan sa dalan gin luthang patay sa Barangay Dabong, Janiuay, alas-7:00 sang gab-i, Huwebes, Pebrero 16, 2023.](https://radyobistado.com/wp-content/uploads/2023/02/rescue.jpg)
ILOILO CITY — Biktima nga nasapwan sa dalan gin luthang patay sa Barangay Dabong, Janiuay, alas-7:00 sang gab-i, Huwebes, Pebrero 16, 2023.
Sa interview sang Radyo Bistado kay Police Captain Salmon ang hepe sang Janiuay Municipal Police Station iya gin pahayag nga ang biktima nasapwan nalang sa kilid sang kalsada nga gin kilala kay Van Calimutan, 47 anyos nga residente man sang amo nga barangay nga naga hamyangon kag wala na sang hanimo.
![Photo courtesy of Janiuay Municipal Police Station.](https://radyobistado.com/wp-content/uploads/2023/02/rescue-uits-1024x576.jpg)
Basi sa imbestigasyon nanday Salmon, may igo sa dughan si Calimutan kag nag lapos sa likod sini tuga sang pag tiro sang wala mahibalo-an nga suspek kag na recover sa crime scene ang isa ka slug nga bala sang wala ma tumod nga armas luthang.
Suno pa kay Salmon sa background checking kay Calimutan nga ini ang masabad sa ila barangay kon mahuhog kag madamo naman sang record lakip na sa kaso nga Republic Act 7610 ukon Special Protection of Children Against Abuse, Exploitation & Discrimination Act sadtong tuig 2015 bangud sa pag panakit sa iya himata nga menor de edad.
Nahibaloan nanday Salmon nga ang lugar nga gin sapwan kay Calimutan ang malayo sa mga panimalay kag 12 metros naman ang antad padulong sa banwa sang Janiuay.
Wala pa sang mga witness nga nag boluntaryo nga nakigangut sa kapulisan agud sa masanag nga pag sulbar sang kaso.
Gin siling man ni Salmon nga wala nag hatag ang pamilya sang biktima angut sa natabo sa ila himata kag karon yara sa morgue ang lawas ni Calimutan.
Sa karon, naga padayon pa ang imbestigasyon sang Janiuay MPS sa na tabo nga insidente.