Kapin isa-ka-milyon nga balor sang gina patihan shabu nakuha sa posisyon sang subject sa Jaro
![ILOILO CITY — Bodegero sang shabu nakuhaan sang milyon nga iligal nga druga sang gin patigayon nga drug buy-bust operation, alas-12:50 sang kaagahon, Sabado, Pebrero 18, 2023 sa Barangay Lanit, Jaro.](https://radyobistado.com/wp-content/uploads/2023/02/bodegero.jpg)
ILOILO CITY — Bodegero sang shabu nakuhaan sang milyon nga iligal nga druga sang gin patigayon nga drug buy-bust operation, alas-12:50 sang kaagahon, Sabado, Pebrero 18, 2023 sa Barangay Lanit, Jaro.
Sa pwersa sang City Drug Enforcement Unit (CDEU) sa pag panguna ni Police Lieutenant Colonel Antonio Benitez Jr natigayon nga hiwat ang anti-ilegal drug operation batok sa subject person nga si Praud Joan Animas, 43 anyos kag residente sang Barangay Lanit, Jaro.
Pinaagi sa police posuer-buyer nabaklan si Animas sang 3 ka bulto gamit ang 50,000 pesos nga buy-bust money, nakuha pagid ang 5 ka bulto kag isa ka dako nga bugkos sang plastik nga may unod sang gina suspetsahan shabu sa sulod sang karton sang nag search ang operatiba sa kwarto ni Animas.
Sa interview sang Radyo Bistado kay Police Colonel Joeresty Coronica ang Officer-In-Charge sang Iloilo City Police Office iya gin pahayag nga makabig nga High Value Individual si Animas bangud sa kadamoun sang iligal nga druga ang nakuha sa iya kag nangin subject sang surveillance si Animas sa sulod duha ka semana.
Pinaagi sa police posuer-buyer nabaklan si Animas sang 3 ka bulto gamit ang 50,000 pesos nga buy-bust money, nakuha pagid ang 5 ka bulto kag isa ka dako nga bugkos sang plastik nga may unod sang gina suspetsahan shabu sa sulod sang karton sang nag search ang operatiba sa kwarto ni Animas.
Nag dangat sa 150 grams kabug-aton sang nakumpiska nga gina patihan shabu nga naga balor naman sang 1,020,000 pesos.
Gin pahayag man Coronica nga naga saylo-saylo ang pag transakyon ni Animas nga gikan sa Bakhaw pakadto sa Lanit, Jaro kag gina kabig naman si Animas nga bodegero sang shabu.
Sa pag kolekta ni Coronica sang Barangay Anti-Drug Abuse Counsil (BADAC) yara man sa listahan si Animas nga gina kabig nila nga pinakado nga target.
Dugang pa ni Coronica ang suplay sang iligal nga druga ni Animas ang naga halin pa sa Negros Occidental kag ila ini gina pasulod sa ciudad pinaagi sa fast craft ukon Road Roll-on/Roll-off Terminal System(RoRo).
Preso naman sa karsel sang Jaro PNP si Animas kag siya ang maga pangatubang sa pag bayolar sang Comprehensive Dangerous Drugs Act of 2002 ukon Republic Act 9165.