Lalaki nga naga hupot sang iligal nga armas luthang, arestado sa distrito sang La Paz
![Photo Courtesy by Lieutenant Colonel Sy](https://radyobistado.com/wp-content/uploads/2023/01/evidences.jpg)
ILOILO CITY — Sabado sang gab-i, Enero 28, 2023 na tigayon nga ma kasa ang entrapment operation sa gin tingob nga pwersa sang City Intelligence Unit (CIU) sa pag panguna ni Police Lieutenant Colonel Albert Sy kag sang Police Station 2 sa pag panguna naman ni Police Major Val Ladublan madinalag-on nga na aresto ang 45 anyos nga si Alfonso Lim sang Barangay Bitoon, Jaro matapos baklan sang isa ka kalibre 38 nga armas luthang sa Barangay Nabitasan.
Sang ma interview sang Radyo Bistado si Lim iya gin pahayag nga gin buligan lang sini ang iya nga migo nga pangitaan sang ma prendahan sang armas luthang bangud naga kinhanlan sang kwarta ang iya nga abyan, aminado man si Lim nga siya ang nag tulay lang agud tuman ang transakyon apang taliwas sa iya huna-huna nga mahulog siya sa kamot sang awtoridad. Gina panginwala naman ni Lim nga indi iya ang na rekober nga granda sa sulod sang iya nga sling bag lakip na ang mga drug paraphernalias.
![Photo courtesy of Lieutenant Colonel Sy](https://radyobistado.com/wp-content/uploads/2023/01/evidences-1024x576.jpg)
Gin haku man ni Lim nga anay ini na imbulbar sa kaso nga Republic Act 9165 ukom ang pag hupot sang iligal nga druga, kag naga gamit sadtong tuig 2016 kag naka guha ini sadtong 2019. Halin man mismo kay Lim nga siya ang imbulbado man sa kaso nga robbery.
Dugang pa ni Lim, dako ang iya pag pati nga gina suyaan lang siya sang tawo sa iya palibot bangud kon ini ang maka inom sang mahulubog naga dula ini sa iya kaugalingon nga naga resulta sang pag maoy sa ila lugar.
Sang ma interview naman sang Radyo Bistado si Sy iya gin siling nga naga hupot sang indi lisensyado nga armas luthang si Lim kon sa diin sila ang nag patigayon sang entrapment operation kag nabaklan nila si Lim sang isa ka kalibre 38 gamit ang buy-bust money nga 2,500 pesos, na recover pagid sa pag hinakop ni Lim sa iya itom nga sling bag ang isa ka M26 nga hand grenade lakip na ang mga drug paraphernalias sa sulod sang balay nga iya gina dayunan apang negatibo nga ma recover sang operatiba ang iligal nga druga.
Gin pahayag man ni Sy nga kaagi naman preso si Lim sa kaso nga pag hupot sang iligal nga druga apang indi pa sini ma tumod ano nga tuig na aresto si Lim kag imbulbado man ini sa insidente sang robbery kag pag pangawat.
Mensahe naman ni Sy sa naga hikut pa sang malain nga aktibidad saa ciudad sang Iloilo, sa bag-o nga tag pamuno sang Iloilo City Police Office nga si Colonel Diornes Decoronica mandu sini sa bilog nga kapulisan lakip na kanday Sy ang i- intensify pagid ang intelligence monitoring sa nag kalain-lain nga iligal nga buluhaton hilabi na pag abot sa iligal nga druga kag mga armas luthang.
Sa karon, si Lim ang yara na sa paghinakop sang Iloilo City Police Station 1 kag maga pangatubang ini sa pag lapas sang layi nga Republic Act 10591 ukon Comprehensive Firearms and Ammunition kag Republic Act 9516 ukon Illegal Possession of Explosives.