Ma sobra 800,000 pesos nga balor sang ginapatihan shabu nakuha sa gin patigayon nga buy-bust operation sa La Paz

ILOILO CITY — Arestado ang 39 anyos nga si Dhon John Young sa gin ugyon nga pwersa sang Police Drug Enforcement Group- Special Operation Unit 6 (PDEG-SOU) kag Station Drug Enforcement Team 2, alas-4:20 sang hapon sa Zone 1 Barangay Baldoza.

Sa interview sang Radyo Bistado kay Police Lieutenant Eric Deocampo ang Team Leader sang PDEG-SOU iya gin siling nga gina tiktikan na nila si Young sadtong tuig 2022, indi gilayon madakop si Young bangud ma danlog klase nga tawo kaga tanda.

Suno pa sa pahayag ni Deocampo, nabaklan sang operatiba si Young sang isa ka bulto sang gina suspetsahan shabu gamit ang buy-bust money nga 24,500 pesos kag nakuha naman sa paghinakop ni Young ang lima pa gid ka plastik. Gin kompirma man ni Deocampo si Young ang Top 1 priority pag abot sa iligal nga druga kag yara man ini sa Top 10 drug personalities sang Iloilo City Police Office (ICPO).

Dugang pa ni Deocampo nga ang mga ka utodan ni Young ang na kaagi naman buy-bust. Bangud sa kadamoun nga nakuha nga iligal nga druga sa paghinakop ni Young siya ini ang gina kabig nga High Value Individual kag naga bug-at sang 120 grams ang nakuha sa iya kag may street value sang 816,000 pesos.

Suno naman sa pahayag ni Barangay Kagawad William Yap, na preso na sadto si Young sadtong tuig 2016 kag ini ang guha sang tuig 2020 tungod ini ang nag plea bargaining, sang ini ang nag guha sa karsel yara ini sa pag hinakop ni Yap bangud gusto man sini taga sang chansa nga mag bag-o ang tawo.

Gin siling man ni Yap nga gin patawag naman sang ila kapitan ang kutob naga hupot sang iligal nga druga kag sang na sugilanon ni Yap si Young nag siling ini sa iya wala na siya naga gamit kag ini ang gin patihan ni Yap.

Gin kompirma man ni Yap nga ang kaingod balay sini nga si alyas Bruno nga gin buy-bust naman sang operatiba nga si Young ang naga suplay sa iya.

Dugang pa ni Yap, naga kasubo man siya sa na dangtan ni Young bangud may mga kabataan ini nga mabilin kag liwat naman nga malayo sa iya luyo.

Sa karon, preso naman si Young sa karsel sang Iloilo City Police Station 2 kag ini ang maga pangatubang sang Comprehensive Dangerous Drugs Act of 2022 ukun Republic Act 9165.