Tanod ginbungggo-an sang pribado nga salakyan, patay sa Santa Barbara, Iloilo
ILOILO CITY — Patay na sang ginpadangat sa Western Visayas Sanitarium Hospital ang isa ka tanod member matapos na bunggo-an sang naga hagunos nga salakyan, alas-10:40 sang gab-i, Miyerkules, Disyembre 28, 2022 sa Barangay Cadagmayan, Norte.
Ang nag taliwan amo si Jessie Surriga, 38 anyos kag residente sang Barangay Inayagan sa nasambitan nga banwa kag ang driver sang salakayn ang ginkilala kay Elmer Calitisin, 52 anyos sang Barangay Balabag, Pavia.
Sa pakig-angut sang Radyo Bistado kay Police Major Jose Rey Pabalan, ang hepe sang Santa Barbara Municipal Police Station, naga manehu sang single nga motorsiklo si Surriga sa dalanon pakadto sa Iloilo Airport sang ini siya ang nag u-turn kag lumapaw sa right of way sang salakyan nga nag tyempo man sa pagpadulong sini rason nga siya ang bunggo-an. Bangud sa mabaskog nga pagbunggo si Surriga ang nag tabog sa iya motorsiklo kag ini siya ang nakaangkon sang patal nga pilas sa ulo kag iban nga parte sang lawas ni Surriga kag siya ang gindala sa nasambit nga hospital.
Suno pa kay Pabalan, ang dalan padulong sa sakayan pangkahanginan kag ang naga agi nga mga behikulo sa lugar ang tuman ka madasig ang pagpadalagan. Ginakabig naman sang kapulisan nga ang lugar ang isa ka accident prone area.
Sa natabu nga insidente, wala na sang plano ang pamilya ni Surriga nga mag pasaka sang kaso batok kay Calitisin kag luyag nalang nga baylohan sang galastuhon ang kabuhi sang ila himata nga na lutas.
