Lalaki nga naga sinadya ginluthang patay sa Santa Barbara
ILOILO CITY — Na tapos lang ang pag-isip sang mga minuto sa pag-sugalaw bag-ong tuig kag ginluthang ang isa ka lalaki nga naga sinadya sa, alas-12:45 sang kaagahon, Domingo, Enero 1, 2022 sa Barangay Bolong Oeste, Santa Barbara.
Suno sa pahayag ni Police Major Jose Rey Pabalan ang hepe sang Santa Barbara, Municipal Police Station sang nakipag-angut ang Radyo Bistado, naga sinadya ang biktima nga si Ricky Patias, 40 anyos sa nasambit nga lugar kaupod man ang mga abyan sini sang hinali lang may nabatian sang isa ka lupok nga nag dungan man sa pinalupok sa pag-sugalaw sang bag-ong tuig kag hinali lang ini nga na tumba.
Nakaangkon sang igo ka bala sa tou nga guya si Patias kag siya ang gin hingagaw dala sa Western Visayas Sanitarium Hospital apang gindeklara ini nga wala na sang kabuhi.
Gin kompirma man ni Pabalan nga may yara sang kaakig sadto si Patias sa wala mahibalo-an nga rason kag may yara naman sang person(s) of interest ang kapulisan.
Si Patias ang naga bilang house boy kag ini siya ang pangayaw lang sa nahambitan nga lugar kag siya ang tumandok sang Negros Occidental.
Sa karon, gin pa idalom na sa autopsy examination ang bangkay ni Patias. Wala naman sang may nakita nga basiyo sang bala sa gin luntaran sang insidente kag padayon pa diri ang imbestigasyon sang kapulisan.
