Lalaki patay sa nagluntad nga vehicular accident sa Banwa sang Alimodian, Iloilo
ILOILO CITY – Patay ang drayber sang motorsiklo matapos nga bumunggo sa ini sa nagaparking nga salakyan sa Barangay Nichol St., Poblacion, Alimodian, Iloilo alas 4:30 ang takna sang aga subong nga adlaw Enero 12, 2023.
Ang biktima ang ginkilala kay Eliseo Claveria y Don, 37 anyos, kasado kag residente sang Rizal St. Poblacion, Alimodian, Iloilo.
Sa inisyal nga imbestigasyon sang Alimodian MPS, halin ang biktima sa inom-imon sa birthday party sa Brgy. Sinamay, Alimodian, Iloilo kag sang magpa-uli na nakita ini nga naga- zigzag na iya pagdala sang iya motorsiklo kag sang maka-abot sa lugar kun sa diin natabo ang aksidente didto kag nag-over shoot ini sa ginasundan nga salakyan kag bumunggo ini sa nagaparking nga salakyan sa kilid sang dalan.
Tungod sa mabaskog nga impact naka-angkon ang biktima sang patal nga samad sa ulo kag iban pa nga bahin sang iya lawas.
Ginhingagaw pa dala sa ospital ang biktima apang Gindiklarar ini nga napatay.
Sa karun yara na ang bangkay sang biktima sa isa ka punerarya sa nasambit nga banwa
