Nangawat na, nag message pa
![ILOILO CITY - Mga tinaga nga nakasulat sa black board sang isa ka class room nga gin ransak sang wala makilalahan nga mga suspetsado sa Oton Central Elementary School, Domingo sang kaagahon, Enero 15, 2023.](https://radyobistado.com/wp-content/uploads/2023/01/pasenxia.jpg)
“Pasenya na wala kaming Bigas kami ang Mag nanakaw”
Unknown suspect(s)
ILOILO CITY – Mga tinaga nga nakasulat sa black board sang isa ka class room nga gin ransak sang wala makilalahan nga mga suspetsado sa Oton Central Elementary School, Domingo sang kaagahon, Enero 15, 2023.
Suno sa panaysayon ni Ma. Belinda Farlade Genaral PTA President sang ma
interview sang Radyo Bistado iya gin siling, “actuall ang natabo sini indi talang ma tul-id kon ano nga inu-oras natabo ni siguro between twelve midnight sang Sunday aga-aga na onwards so, kon ano man plastada sang inoras ina indi gid kita maka hatag sang insakto nga impormasyon.”
Sang gin pamangkot ini nga kon siya gid man ang una nakatulupangod iya gin hambal nga, “actually indi gid ako, 5:30 in the morning nag bangon na ako gin tawgan na ako sang amon nga guard nga on duty or siya ni ang na ka assign nga pang gab-i so, nag hambal naman siya nga press gin ransak naman kita liwat kay sang Disyembre natabo naman ni mo, okay so, nag dali-dali kita diri kadto sa area while naga prepare ang akon nga husband nga ma pa guha sang salakyan kag nag tawag nako daan sa aton awtoridad sa Oton at the same time sa gina saligan naton diri nga utilities.”
Suno pa kay Farlade, na sulod gid sang mga kawatan ang anum ka mga class room lakip na ang opisana sang PTA, una diri ang duha ka class room sang grade two, one, PTA office, grade three kag duha naman ka room sang grade four. Nakuha diri ang seventeen ka stand fan, three wall fans, Sony TV, isa ka aircon, duha bola, isa ka net kag mga wiring extensions.
Gin siling man Farlade nga lunsay bag-o tanan nga mga gamit nga gin pundar mismo sang tagsa ka mga ginikanan kag inityatibo nga mag donar sang gamit para sa eskwelahan. Yara man mismo ang guardya nga naga duty pang gab-i sa buluthu-an nga kon mag patak ang takna alas-12:00 sang kaagahon siya man ang permi naga ronda adlaw-adlaw.
Nakasugilanon naman si Farlade kag ang gwardya gin hambal man sa iya sini nga, “twelve midnight naga ronda pa na siya so, daw tawhay man kag ga ulan-ulan abi, ang ina nga gab-i there’s something happening around bala even sa amon naga tinaghol ang mga ido bisan diri man sa nearby bala nga na istorya ko man.”
Gin siling man ni Farlade nga ika-duha na ini ka beses nga gin ransak ang buluthu-an sadtong Disyembre 14, 2023 kag nag lagpas lang isa ka adlaw nga nag sukat na sa isa ka bulan. Sang makita ni Farlade ang mensahe sa blackboard nga “Pasenya na wala kaming. Bigas kami ang Mag nanakaw,” reaksyon sini “nga sa amo kato nga bagay makabuya ka gid sang indi insakto bangud indi man namon sala di kag palariho malang kita diri naga experience sang kabudlay sang adlaw-adlaw nga pag pangabuhi.”
Mensahe naman ni Farlade sa nag buhat sini, “makitaay lang kita sa final ah, indi nako mag hatag sang maayo mga halambalon sa subong bal-an ang akig ko bilang ginikanan nalang mag pana-og ako kato ga pamangkot ako kumusta ang kabataan, ato naga pamahulay wala electric fan. Dugang pa sini, kung ma dakpan ka makitaay lang ta.”
Basi naman sa imbestigasyon ni Police Major Fernand Limbungan ang hepe sang Oton Municipal Police Station iya gin siling nga naga padayon ang ila pag kolekta sang Closed Circuit Television ukun CCTV nga malapit sa buluthu-an bangud sa sulod sang eskwelahan mismo wala naga andar ang mga CCTV nga gin pahamtang.
Basi sa pag pangusisa ni Limbungan, ang likod nga porsyon sang buluthu-an nga malapit sa gym ang tuman ka dulom kag ila na natamud ang exit point sang mga suspects amo ang sa likod sang buluthu-an sa diin ila diri nakita ang ramag sang tiil nga may lunang sa pader.
Gin pahayag man ni Limbungan nga may gina tutukan na sila nga mga person of interest, indi lang isa ka persona ang nag pang ransak apang ila pa gina tul-id sang maayo pinaagi sa pag kolekta sang CCTV footage sa malapit nga mga lugar.
Sabat ni Limbungan sa kaangtanan sang pag pang ransak man anay sa amo nga buluthu-an sang tinalikdan nga bulan sang Disyembre iya gin siling nga posibli nga isa malang sila sa nag buhat sadto kag aminado man si Limbungan nga unsolved ang amo kato nga kaso bangud madulom ang lugar kag kulang sa pag patrolya ang gwardya sa rason nga wala sila sang armas nga inog depensa sa ila kaugalingon.
Dugang pa ni Limbungan, gin take advantage sang mga kawatan ang ma ulanon nga chempo sadto kag amo man ang gwardya nga wala nag roving bangud malain ang tyempo.
Gin siling man ni Limbungan nga antis pa mag bukas ang klase sini nga school year, anay na nag hiwat ang iya kapulisan sang security survey inspection sa buluthu-an kag diri natukiban ang mga CCTV ang wala na naga gana kag ila ini gina rekomendar sa principal agud makabulig hatag impormasyon sa mga krimen apang wala man sang bastante nga pundo ang buluthu-an.
Gina tinghuan man ni Limbungan nga mag koordinar sa alkalde sang Oton kaupod ang PTA President sang eskwelahan kag iya man suportado ang rekomendasyon nga mag pahamtang sang CCTV sa buluthu-an.
Dugang pa ni Limbungan, wala man naga pabaya ang iya kapulisan sa pag patrolya sa bug-os nga lugar sang Oton viente-quatro-oras.