1 kritikal kag isa pilason matapos ma tumbahan sang kabilya sa distrito sang Mandurriao
![](https://radyobistado.com/wp-content/uploads/2023/02/truck-with-cement.jpg)
LOILO CITY — Isa pilason kag isa ka kritikal ang kondisyon tungod sang pag ka tumba sang naga tangkas nga kabilya sa isa ka construction site sa Barangay San Rafael, Mandurriao, alas-11:30 sang aga, Biyernes, Pebrero 3, 2023.
Suno sa pahayag ni Police Staff Sergeant Raymund Rafio ang Investigator On Case sang Mandurriao PNP sang ma interview sang Radyo Bistado, iya gin siling nga naka angkon sang pilas sa ulo si Romnick Altares, 33 anyos, residente sang Barangay Tanza-Esperanza, City Proper nga nag tuga sang kritikal sini nga kondisyon kag pilas sa lawas, tiil naman ang na angkon ni Robert Altares, 50 anyos nga residente sang Botong, Oton. Gin siling ni Rafio nga samtang naga ubra si Romnick kag si Robert sa lugar wala nila ma talupangdan nga hinali lang na tumba ang binugkos kag naga tangkas nga mga kabilya, bagud sini na igo sa ulo si Romnick samtang na igo naman sa lawas kag tiil si Robert, gilayon naman nga din dala ang mag utod sa nahambit nga hospital kag padayon gina bulong ang mga ini.
Suno pa kay Rafio, aksidente lang gid ang na tabo sa mag utod kag wala diri sang foul play nga imbulbado kag naka sugilanon sini ang tag-iya sang kompanya nga tampad naman ini nga mag sabat sang galastuhon sa hospital sang mag utod.
Sa karon, conscious naman ang sitwasyon sang mag utod apang si Romnick ang iga-padalom sa CT-Scan kag padayon pa sila sa obserbasyon sang doktor.