Iloilo City police nakahanda para sa pyesta minatay subong nga tuig
![ILOILO CITY - Nakahanda na ang bug--os nga pwersa sang Iloilo City Police Office (ICPO) sa pagbantay seguridad kag pagpabilin sang kalinung kag katawhay sa pagselebrar sang duha ka adlaw nga selebrasyon sang #Tigkalalag2022 apisar sa sining panahon sang Covid-Pandemic.](https://radyobistado.com/wp-content/uploads/2022/10/police-briefing-for-all-souls-day-and-all-saints-day.jpg)
ILOILO CITY – Nakahanda na ang bug–os nga pwersa sang Iloilo City Police Office (ICPO) sa pagbantay seguridad kag pagpabilin sang kalinung kag katawhay sa pagselebrar sang duha ka adlaw nga selebrasyon sang #Tigkalalag2022 apisar sa sining panahon sang Covid-Pandemic.
Suno Kay Police Colonel Leo Batiles ang City Director sang Iloilo City Police Office (ICPO) ginsiling sini nga ang tanan nga mga unit sang kapulisan ang nakahanda na sang ila mga security plan agud e-implemintar para sa safety sang publiko nga magadagsa sa mga sementeryo sa palibot sang syudad.
Lakip man nga iga-deploy sa mga sementeryo ang iban pa nga mga volunteers agud nga mapabilin ang kalinung kag katawhay. Ginabulubanta sa (300) Tres Syentos ka mga personnel sang ICPO ang iga-deploy sa mga sementeryo, Memorial Parks, Mga Transportation Terminals kag iban pa nga mga matawo nga Lugar sa palibot sang syudad.
Samtang magapahamtang man sang mga Police Assistance Desk sa mga sementeryo agud mag-implemintar sang mga pagsulundan agud hindi makasulod ang mga bagay nga ginadumili-an sa sulod sang patyo.
Ginadumili-an ang mga masunod nga mga bagay katulad sang mga masunod:
- Pagdala ukon pagbaligya sang mga makahulubog nga ilimnon.
- Pagdala sang mga armas, kag mga makamamatay nga mga hinangiban
- Eligal nga pasugal.
- Pagpanigarilyo.
- Kag karaoke.
Strikto man nga e-implemintar ang “NO VACCINE, NO ENTRY” Bilang pagsunod sa Executive Order No. 085 nga permado ni Iloilo City Mayor Jerry Trenas nga napetsahan sadtong Oktobre 17, 2022.
Ginapahanumdum man sini nga mga bakunado lang ang pahanugutan nga makasulod sa mga pampubliko kag pribado nga mga sementeryo, paagi sa pagpresentar sang dala nga mga vaccination card.
Nagpahanumdom ini nga mangin mabinantayon sa tanan nga tion agud malikawan nga mabiktima sang may malain nga mudos.