Balay nga tuga sa light materials, ginlamon sang kalayo sa Tigbauan
![ILOILO CITY — Atop nalang ang nabilin kag naga asu-asu nalang ang naabtan sang pamilya Tamulian matapos ginlamon sang kalayo ang ila puluy-an, alas-11:00 sang aga, Domingo, Disyembre 18, 2022 sa Barangay 1, Tigbauan.](https://radyobistado.com/wp-content/uploads/2022/12/firefighter.jpg)
ILOILO CITY — Atop nalang ang nabilin kag naga asu-asu nalang ang naabtan sang pamilya Tamulian matapos ginlamon sang kalayo ang ila puluy-an, alas-11:00 sang aga, Domingo, Disyembre 18, 2022 sa Barangay 1, Tigbauan.
![Photo from Tigbuan Bureau of Fire Protection.](https://radyobistado.com/wp-content/uploads/2022/12/fire-debris-1024x768.jpg)
Suno sa pahayag ni Revy Dacullo Senior Fire Officer 1 sang Tigbauan Bureau of Fire Protection, sa pagpadulong sa lugar nangin ma budlay pa sa manog away sang kalayo nga mag penetrate ang ila firetuck bangud sa gutok kag ang dalan alagyan padulong sa suba. Sang yara na ang mga ini sa lugar, rusdak na ang mga atop kag sunog ang bilog nga puluy-an.
Sandig sa imbestigasyon ni Dacullo, may mga laya nga dahon sa palibot sang puluy-an kag ginatan-aw sini nga may yara sang may nag-labay kag ginhabuyan sang naga baga nga sigarilyo. Na ubos gid tupok sang kalayo ang puluy-an kag ma swerte naman nga wala sang may napilasan sa nag luntad nga sunog
![Photo from Tigbuan Bureau of Fire Protection.](https://radyobistado.com/wp-content/uploads/2022/12/fire-debris-2-1024x768.jpg)
Suno pa kay Dacullo, wala sang tawo ang amo nga balay sang nag-luntad ang sunog bangud naga pasada sang e-bike ang naga panag-iya sang puluy-an nga si Ronelo Tumaliuan, 37 anyos, ang asawa naman sini ang naga trabaho bilang kabulig. Na bilin naman ang tatlo nila ka mga kabataan apang nawili ang mga ini sang hampang sa ila mga abyan.
Dugang pa sini, yara 54,000 pesos ang balor sang halit nga ginbilin sang kalayo kag wala pa sang pinal nga imbestigasyon kon ano ang gintunaan sang pagkasunog sang puluy-an.