Drayber sang motorsiklo patay sa nagluntad nga vehicular accident sa Banwa sang Sta. Barbara, Iloilo
ILOILO CITY – Patay ang drayber sang motorsiklo matapos nga aksidente nga bumonggo ang ginamaneho sini nga motorsiklo sa naga U-turn nga Elf truck alas 6:00 ang takna sang gab-i sa Brgy. Cabugao Sur Sta. Barbara, Iloilo sang tinalikdan nga adlaw sang sabado, Nobyembre 3, 2022.
Suno sa interview sang Radyo BISTADO kay PMaj. Rey Pabalan ang hepe sang Sta. Barbara MPS, ginsiling sini nga nagapaliko ang elf truck nga may karga nga mga groceries sa U-turn slot sang aksidente nga bumonggo ang motorsiklo nga ginamaneho sang biktima sa nalikod nga bahin sang amo nga truck rason sang pagluntad sang nasambit nga aksidente
Tungod sini Naka-angkon sang patal nga pilas sa ulo kag iban pa nga bahin sang lawas ang biktima nga drayber sang motorsiklo nga ginkilala kay Jemar Sana 21 anyos, Soltero taga Negros Occidental apang nagapauli sa Banwa sang Dumangas, Iloilo.
Samtang ang drayber naman sang truck ang ginkilala Kay Roderick Simpas 35 anyos, residente sang Brgy. Camambugan, Sta. Barbara, Iloilo.
Ginhingagaw pa dala sa ospital ang biktima apang gindiklarar ini sang attending physician nga dead-on-arrival sa Sanitarium Ospital sa Banwa sang Sta. Barbara, Iloilo.
Sa karun ang suspek ang nakahunong na sa Sta. Barbara MPS, samtang ginahulat pa ang plano sang pamilya kun mapasaka ini sang kaso batuk sa drayber sang truck ukon areglohon nalang kaso.
