86 ka pamilya mapintas nga gin sug-alaw ka buhawi sa ika-tatlo nga adlaw sang tuig 2023
![](https://radyobistado.com/wp-content/uploads/2023/01/tornado-damage-1.jpg)
ILOILO CITY – Bag-ong tuig nga ginalauman nga mangin matawhay kag malayo sa peligro tuga sang mga insidente apang pila palang ka mga inadlaw nga nag linigad matapos ang malipayon nga selebrasyon sang bag-ong tuig apang delubyo ang nag abot sa mga pumuluyo sang Barangay Santa Cruz, Santo Domingo sa distrito sang Arevalo, Ciudad sang Iloilo kag sa Barangay Oton, Alegre sa primira distro sa probinsya sang Iloilo.
Nag lapta ang mga sanga sang puno sa kalsada, may mga puno nga na tumba, may mga puluy-an nga tumbahan sang dalagko nga puno lakip na ang mga salakyan matapos mag halit sang buhawi alas-4:20 kagina sang kaagahon sang Martes, Enero 3, 2022.
Sang nag pakig-angut ang Radyo Bistado kay Punong Barangay Felix Octavio (PB) sang Santa Cruz iya gin siling nga, “so far, indi gid naton ma imbetar nga may mga casualties kita sa akon constituents, sa subong ya sa initially report naton diri as of 12:10 sang udto, may dise-syete(17) kami diri nga affected nga families kag mga houses. Ina initial palang sa isa palang ka lugar. May onse(11) kita ka partially damage kag may syete(7) kita ka totally damage”.
![Public utility vehicle smashed by falling trees due to a tornado attack. | Photo by Aaron Lloyd Refoyo.](https://radyobistado.com/wp-content/uploads/2023/01/photo-by-aaron-lloyd-refoyo-1024x576.jpg)
Istorya pa ni Octavio, “more or less ara sa traynta-minutos(30) ang kadugayon ang pag-tinir sang buhawi, may ara kita sang pilason nga nine-years-old(9) nga bata nga lalaki kay wala guro makahingagaw guha, pero sa bulig sang aton mga rescuer kag mga medic naton, na rescued ang bata pero conscious man siya. May na batyag man ang bata tungod nga na pilpilan siya kag gin hingagaw man siya dala sa hospital.”
Sa gin hatag nga datos ni Zadi D. Belesario ang Social Welfare Officer III- District Head, basi sa updated and final report, onse(11) ka mga balay ang totally damage, trese(13) naman ang ka mga balay ang partially, dose(12) ka mga pamilya ang totally nga apektado, samtang, desisais (16) naman ka mga pamilya ang apektado kag viente-quatro (24) naman ang total sang mga puluy-an lakip na quarentay-quatro (44) ka mga pamilya.
![Photo by Aaron Lloyd Refoyo.](https://radyobistado.com/wp-content/uploads/2023/01/damages-caused-by-cyclone-1024x576.jpg)
Nag preparar naman ang mga opisyales sang barangay sang mga pagkaon kaangay sang adobo kag kan-on para sa mga pumuluyo nga apektado, sa mga volunteer rescuer kag sa iban pa nga mga organisasyon nga nag bulig sa lugar.
Gilayon naman nag abot ang mga sinako-sako nga bugas kag mga delata sa out post sang nasambit nga barangay.
![Photo by Aaron Lloyd Refoyo.](https://radyobistado.com/wp-content/uploads/2023/01/damaged-1024x576.jpg)
Sa pag padulong pa sang Radyo Bistado sa Barangay Santo Domingo, nag tambad sa amon ang kaangay man nga sitwasyon sa na una nga barangay.
Suno sa panaysayon ni Punong Barangay Carolyn Selerio, bali sang nag luntad ang buhawi, alas-5:35 sang aga, nakibot man kami and then nag guha ako kag gin check man namon damo-damo na nag kalatumba nga puno and then gin pa check ko kon may totally damage kag wala man sang may na pilasan”.
Dugang pa ni Selerio, “sa subong yari ang taga City Social Welfare and Development Office (CSWDO) nag hatag sila sang mga food packs”.
Sa pakig-angut sang Radyo Bistado kay Zadi D. Belesario ang Social Welfare Officer III- District Head, basi sa updated and final report sa mga apektado sang buhawi, lima(5) ang totally, samtang, viente-tres (23) ang partially damage, ang iban nga mga pamilya yara sa katorse(14) kag quarentay-dos(42) ang kabilogan sang pamilya ang apektado.
Sa Barangay Alegro, Oton naman wala man makaluwas sa pag waswas sang buhawi pila man ka mga atop sang mga panimalay ang gin tuklab kag mga puno nga gin pang utod.
Istorya ni Jolo Rebua nga wala man makaluwas sa buhawi, “ una-una naga katulog ako sa balay, gulpi lang nag todo ang hangin pag ling-ling ko sa bintana namon may atop nga nag lupad na, te pag dugay-dugay nag usdang man ang sa balay gin pukaw ko dayon ang mga magulang ko, tapos ang magulang ko nga laki nga sa fire nag guha kami dayon, te kay may nangayo di bulig oh!(besides thier house), amo to dayon gin tabangan namon tapos nag hambal sa dayon nga dal-on siya sa hospital, te nag kontak kami kag ngita kami sang sakyan namon bala, indi na kami ka tabuc, ano man, ang mga kahoy na tumba na sa kalsada, naga balabag na sa dalan ang gin ubra nalang namon gin hawanan nalang namon nga duha kag gin pasakay nalang sa dayon.”
![Photo by Aaron Lloyd Refoyo.](https://radyobistado.com/wp-content/uploads/2023/01/buhawi-damage-1024x462.jpg)
Istroya pa ni Rebua, “nakita na namon ang nga balay di dayon, waay na gid, waay na gid, ubos na gid, grabi gid ya ang hangin! baskog gid ya!, mga 5:20 na sang aga nag umpisa ang buhawi, segundo lang ang dugay ya pero pwerti ang baskog ya. Hou ari di, dira ko mo, nag ling-ling ko sa bintana mo grabi gid ang huni ya mo gaano gid ya, ga pilo ang mga atop, diri gid sa ya ga libot ang buhawi kay tuyo ko bidyohan ko pa tani, ma hana nako nga mangita sang cellphone ko nakita ko na magulang na dagdagan na sa sang dospordos kag atop gin hingagaw ko nalang magulang ko wala ko nalang gin bidyo kag ang atop sa likod ko halin pa na sa Zone 1 kay Zone 2 na di sa amon.”
Dugang ni Rebua, ang gin dangop nila nga naga pangayo sang tabang ang naigo sang ila man mismo nga atop nga matalum sa sentido kag nalihap gid ang mga panit sini. Pasalamat naman si Rebua nga wala sang may na pilasan sa iya nga pamilya.
![Photo by Aaron Lloyd Refoyo.](https://radyobistado.com/wp-content/uploads/2023/01/tornado-damage-1024x576.jpg)
Sa pakig-angut naman sang Radyo Bistado kay Barangay Kagawad sang Alegre, Oton nga si Narciso Casaquite Jr, gin siling sini, “nga ang kalaban nga mga balay ang na guba sang buhawi ang sentro gid kag may napulo(10) kita nga totally damage nga balay out of eighty-four(84) houses kag madamo sang puno nga kahoy ang nag kalatumba. Ang partially damage seventy-four(74) ka mga balay. Wala paman sang may mga pamilya nga nag evacuate diri kay na manage man nila nga mag tinir sa ila mga panimalay kag repair nalang nila ang ila balay.”
Matapos ang pag was-was sang buhawi gilayon naman nag dangop ang alkalde sang Oton kag ang Municipal Social Welfare and Development Office agud mag palab-ot sang naga kaigo nga bulig sa mga apektado nga residente kag naga pasalamat naman si Casaquite sang madamo.
Ang mga kahalitan nga gin bilin sang buhawi kag ang mga residente nga nawad-an sang puluy-an kag na hapyawan sila ang makabaton sang naga kaigo nga kantidad gikan sa tagsa ka mga natungdan.