Lalaki naga maneho sang motorsiklo, patay matapos na aksidente sa Pavia
ILOILO CITY — Na tapos lang ang pag-countdown sang pag-sugalaw sa bag-ong tuig 2023 sang may na aksidente nga motorsiklo, ala-1:00 sang kaagahon, Enero 1, sa Barangay Tigum, Pavia.
Suno sa pakig-angut sang Radyo Bistado kay Police Major Rolando Araño ang hepe sang Pavia Municipal Police Station, samtang naga maneho sang motorsiklo si James Clifford Hilisan, 24 anyos nga residente sang Purok I, sa amo mga banwa madasig ang pagpadalagan sini sang iya motorsiklo, sang yara na ini sa gin luntaran sang aksidente may na kasugata si Hilisan nga trisikol kag iya ini gin likawan apang bangud sa madasig ang dalagan sang motorsiklo nakadanlog kag siya ang natumba nga nag-tupa ang ulo sini sa matig-a nga porsyon sang kalsada.
Nakaankon sang patal nga pilas sa ulo si Hilisan kag gin kompirma man ni Araño nga wala sang may na sul-ob nga helmet si Hilisan sang siya ang naga maneho kag ini ang yara sa impluwensya sang makahulubog nga ilimnon.
Dugang pa ni Araño, gin hingagaw pa dala sa Western Visayas Sanitarium Hospital si Hilisan apang gin bawi-an gid ini sang hulam nga kabuhi.
Sa nag guha nga imbestigasyon sang Pavia MPS, wala na nahulamid pa ang trisikol kag kaugalingon lang gid nga disgrasya ang nahitabo kay hilisan.
Nakasugilanon naman si Araño kag ang mga himata ni Hilisan nga wala naman sang iban nga panabton sa nag luntad nga aksidente kag nabataon naman sang mga himata ang gin padulongan ni Hilisan.
